السيسي: "إعادة إعمار سوريا يحتاج 300 مليار دولار.. من سيدفعهم؟"

كتبت- ياسمين محمد:

قال الرئيس عبد الفتاح السيسي، إن سوريا تحتاج وفق بعض التقديرات إلى 300 مليار دولار على الأقل لإعادة إعمارها، وتريلون دولار على أقصى تقدير، لكن السؤال هنا: "أي حكومة سورية ستأتي مهما كانت من الأقلية أو الأغلبية هتتعامل مع التحدي ده إزاي؟".

وأضاف السيسي- خلال كلمته بجلسة "ما بعد الحروب والنزاعات.. آليات بناء المجتمعات والدول"، ضمن فعاليات اليوم الثاني من منتدى شباب العالم، المنعقد اليوم الأحد، بمدينة شرم الشيخ-: "هل فيه حد هيدفع 300 مليار لسوريا، دول بيتخانقوا على 10 مليار، الصراع في العالم على الأموال والمصالح، محدش هيديك فلوس تصلح بلدك اللي أنت كسرتها وخربتها، والله ماهتسمعوا الكلام ده من أي حد في موقعي ده".

ولفت الرئيس إلى أن حديثه اليوم من واقع خبراته لممارسات عايشها، قائلًا: "إحنا عشنا أيام مرار، ومعاناة لأجل نحافظ على بلدنا ومصير 100 مليون مصري، إحنا مش عندنا بترول، البلد كانت هتتخرب وتضيع وملايين المصريين هيهاجروا على أوروبا ودول الجوار أو يضيعوا في الصحراء والبحر، أنا بقول التجربة لشباب جاي يسمعنا وممكن ما يكونش عنده فرصة يستوعب ما يحدث في بلادنا".