السيسي: "اللى بيتعمل في مصر غير مسبوق وفيه كرم كبير من الله"

كتب- محمد عبدالناصر:

قال الرئيس عبدالفتاح السيسي، رئيس الجمهورية، إن محطتي بحر البقر والمحسمة لمحالجة المياه- تهدفان في الأساس للحفاظ على بحيرة المنزلة وبحيرة التمساح، بعد أن كانت مياه الصرف تتلف الحياه فيهما، مُردفا: "أنا بقول للمصريين بنعمل مشروعات متكاملة مع بعضها البعض وكمان بنحافظ على البيئة".

وأضاف السيسي: "لما براجع المواضيع مع المسؤولين أكتشف أن المسؤولين مش واخدين بالهم من اللى بنعمله"، لافتًا إلى أن بحيرة المنزلة على مساحة 250 ألف فدان، وفيه مخارج للصرف بتلوث هذه البحيرة، لذلك نعمل على تنفيذ محطة بحر البقر للحفاظ على الثروة السمكية في هذه المحطة.

وسأل الرئيس اللواء كامل الوزير، محطة معالجة المياه ببحر البقر هتتكلف كام؟ مش 18 مليار بردو، ليرد الوزير: "20 مليار بالتوسعات الجديدة"، ليرد الرئيس: "لأ 18 مليار بس للمحطة".

وأكد الرئيس: "بغض النظر، إحنا بنجيب الأموال منين.. لكن لازم المحافظين والوزراء والمسؤولين عن الثروة السمكية يعرفون إن ده مشروع قومي، ولازم المزارع السمكية تكون على أكفأ ما يكون"، متابعا: "والله اللى بيتعمل في مصر غير مسبوق وفي كرم كبير من الله.. لازم الناس تاكل حاجة صحية".