السيسي: "ربنا بيحمي مصر علشان خاطر ذوي الاحتياجات الخاصة"

كتب- محمود مصطفى:

قال الرئيس عبدالفتاح السيسي، إن المرحلة الصعبة التي مر بها الوطن بدءًا من عام 2011 وحتى 2014، مرت لوجود ذوي الاحتياجات الخاصة بين أفراد الشعب المصري.

وأضاف السيسي- خلال احتفالية تكريم ذوي الاحتياجات الخاصة: "البركة اللي موجودة معانا دلوقتي موجودة في كل بيت، لو بنتكلم على 9 أو 10 % 0 في الـ100 مليون كتير، دا معناه 10 مليون بيت، ورد عليه أحد الشباب فخامتك أدها ياريس، وقال الرئيس "ربنا اللي أدها".

وتابع السيسي في 2011 و2012 و 2013 و2014 والأيام الصعبة اللي مرت، كنت بقول هي بتمر ليها، إخلاصنا إحنا بس ولا في حاجة تانية، بأكد أن في حاجة تانية، إحساسي إن اللي إحنا فيه دا كله لجل خاطر الناس دي وخاطر أهلهم اللي بيجروا عليهم، على مدار الأسبوع والشهر والسنة، وهما بيتمنوا لهم كل الخير، ربنا سبحانه وتعالى كان لابد يحمي البلد ويحافظ عليها من كل شر وسوء، لجل خواطر كتير والخاطر ده منهم".

ودعا رئيس الجمهورية: "يارب لجل خاطرهم احفظ بلادنا من كل شر وسوء".

وأضاف الرئيس: "حاجة كمان عاوز أقولها كل المصريين لو استدعوا الصورة دي والحالة دي والظرف ده، أعتقد هيبقى عندنا سبب كبير إننا نخلي بالنا من بلدنا ونحافظ عليها".