"شوفوا ولادكم بيموتوا إزاي".. السيسي يوجه الإعلام بنقل تضحيات الجيش والشرطة

كتبت-ياسمين محمد ومي مدحت:
وجه الرئيس عبد الفتاح السيسي، الإعلام المصري بالتصدي لمحاولات الإساءة للجيش والشرطة المصرية، مؤكدًا أن الإساءة لهم غير مقبولة وسيتم مواجهتها بالقانون.

وأضاف السيسي- خلال مشاركته في افتتاح مدينة العلمين الجديدة اليوم الخميس- أن التصدي لمحاولات الإساءة للجيش والشرطة ليس واجب الإعلام فقط ولكن كافة أجهزة الدولة قائلًا: "ده دول كل الأجهزة، لو حد أساء للجيش والشرطة في الآخر هو يسيء لكل المصريين، يعني النهارده الأم اللي قدمت ابنها والزوجة اللي قدمت زوجها تقول إيه لما تلاقي الإساءة يعني ده الثمن؟ انتوا شايفين إن ده المقابل اللي تقدموه لأبنائكم الشهداء والمصابين؟".

وأكد الرئيس إن الإساءة للجيش والشرطة لم تعد جزءًا من حرية الرأي والتعبير: "هنا مابقتش حرية رأي، انا مش هحاسبك على وجهة نظرك، لكن تخلي وجهة النظر دي صيغة تطلع للناس تسيئ بيها للمصريين اللي هما الجيش والشرطة، لا انتوا اللي لازم تتصدوا دلوقتي أنا بقول كدا بصراحة".

ولفت الرئيس إلى أن بعض المصابين سيدفعوا الثمن طوال عمرهم: "المصاب ده منهم اللي مش هينفع تاني، وهيفضل قعيد بقيت عمره علشانك"، مؤكدًا أن هذه الصورة لا بد أن تصل للمصريين وهذا دور الإعلام والثقافة والتعليم: "الأجهزة دي محتاجة تراجع نفسها".

وشدد الرئيس أنه لن يسمح بالإساءة للجيش والشرطة: "ولا حد يسيء للجيش والشرطة وانا موجود هنا، والله العظيم مش عايز أقول أنا بس اللي أعرف الجيش عمل إيه في الـ7 سنين اللي فاتوا، عاشان ميصحش أقول كدا، اللي عملوه وبيعملوه النهارده اجرهم فيه على الله مش هقول يتكتب في التاريخ ولا بأحرف من نور".

ووجه الرئيس بالسماح لوسائل الإعلام بالدخول لمواقع العمليات حتى ينقلوا الصورة للناس: "الأمر محتاج جهد مننا، خلو الناس تطلع تشوف الشرق والجبهة، طلعوا الناس والإعلام يشوفوا إيه اللي بيحصل في العمليات والناس بتموت إزاي، شوفوا ولادكم وولاد مصر بيقدموا أرواحهم علشانكم أنتوا، وعلشان بلادنا تبقى في أمان وسلام".

وأكد السيسي أنه لن يوجه الطلب للإعلام مرة أخرى، مطالبًا جميع الأجهزة بالتصدي: "كل واحد يتصدى إذا كان عنده قناعة إن فيه دور طيب بيتعمل، أما إذا كان عنده غير كدا خلاص يبقى عليه العوض، وبصراحة كدا الإساءة دلوقتي بالقانون تساوي بالنسبة ليا الخيانة العظمى".