السيسي: "تمن الشهيد غالي علينا ومش غالي عليكم يا مصريين"

كتب- محمد عمارة:

قال الرئيس عبدالفتاح السيسي، رئيس الجمهورية، إن الحرب التي تخوضها مصر، هي حرب ضد أناس يوجهون إساءة للخالق عز وجل.

وأضاف: "لذلك نحن نحاربهم، فهم ليس فقط خوارج العصر، الذين أساءوا للخالق، واليوم دا يوم مشهود يوم عظيم، ويمكن كل الكلام الجميل والعظيم اللي اتقال من الشيخ الفاضل الحبيب الجفري عن الشهيد ومكانته، وكل الكلام اللي قالته الزوجة والأم، يوضح حجم التضحية، وعايز أقول إن التمن اللي بيدفعه كل شهيد ومصاب هو تمن بيتحط عشان خاطر مصر".

وأوضح الرئيس السيسي، في الندوة التثقيفية الـ27، للقوات المسلحة، اليوم الخميس: "أنا دايما بأقولكم أن الشهيد بيقدم الكثير، وكل دي صور لأسر مصرية قدمت أبناءها لأجل خاطر الـ100 مليون يعيشوا في أمان وسلام".

وتابع الرئيس: "إحنا لما بنتكلم عن الشهداء بنتكلم لأن ده حقهم، هم قدموا حياتهم عشان نعيش في أمان وسلام".

وقال الرئيس: "جه اليوم الذلي شوفتوا فيه الوعد اللي قطعناه على أنفسنا بحماية مصر والمصريين، لما قلنا إننا كقوات مسلحة وشرطة ودولة مستعدين للموت من أجل حياة المصريين في أمان وسلام، ويمكن التمن ده غالي علينا لكن مش غالي عليكم أنتم يا مصريين".​