السيسي: "خليكوا في ضهر مصر.. أنا ربنا في ضهري"

كتبت- ياسمين محمد:

قال الرئيس عبد الفتاح السيسي إن الجهاز الإداري للدولة تحدٍ كبير، متسائلًا: هل الجهاز الإداري في مصر يعمل بالشكل المناسب؟ لأ"، مشيرًا إلى أنه تم تعيين مليون موظف بالدولة عام 2011، لم يكن لهم احتياج تمامًا، إذ إن الجهاز الإداري للدولة كان مشبعًا بـ5.5 مليون موظف وزادوا مليونًا بسبب التظاهرات.

جاء هذا خلال كلمته بالمؤتمر الدوري الخامس للشباب، اليوم الأربعاء، بجلسة "رؤية الدولة المصرية للأربع سنوات القادمة".

وأضاف السيسي أنه حينما تحدث لوزير الطيران عن سبب عدم قدرة مصر على المنافسة: "قالي أنا عندي 27 ألف موظف زيادة بعضهم في تخصصات غير مطلوبة"، مؤكدًا أنه لن يتم الاستغناء عن هؤلاء الموظفين: "مش هقدر أمشي الناس دي ومحدش هيقدر، يعني إنت بتقول إن الدولة فيها 6.5 مليون موظفي محتاج منهم بالكتير مليون طب الخمسة الباقيين هيروحوا فين اللي بأسرهم ممكن يوصلوا 30 مليون في المتوسط، هنرميهم في الشارع؟ محدش يقدر وماينفعش ومش هنعمل كدا، لكن لازم تكونوا عارفين إنها فاتورة كلنا مع بعض بندفعها، هندفعها ولا إيه؟".

ليعلق أحد الحاضرين: "كلنا في ضهرك ياريس"، فيجيب السيسي: "عايزكم كلكم في ضهر مصر، إذا كنتوا بتتكلموا عن اللي في ضهري، إنت عارف مين اللي في ضهري؟ هقولك: ربنا، هو اللي مطلع عليا واللي هيحاسبني وعارف كل الحسابات اللي مهما كلمتكم فيها مش هقدر أفهمهالكم، أو أنا أكون مستوعبها لإن هو عنده حسابات أخرى، حسابات الإله".

وأضاف: "أنا هحاسبكم وإنتوا تحاسبوني، وأنا هقف أمامكم وأمامه ونتحاسب، والله والله والله لأقف أمام الله سبحانه وتعالى وأقوله يارب، بس أنا هسامح".