السيسي للمصريين: "اللي بعمله هقابل بيه ربنا وأرجو أنه يقبله مني"

كتبت- ياسمين محمد ومي مدحت:

وجه الرئيس عبدالفتاح السيسي، رسالة للمصريين خلال كلمته بجلسة "استراتيجية بناء الإنسان المصري"، اليوم السبت، ضمن فعاليات المؤتمر الوطني السادس للشباب بجامعة القاهرة، قائلًا: "عايز أقول لازم تصدقوا إن فيه اللي عايزين يضيعوكم، إحنا دخلنا تجربة وربنا أراد إنها ماتكملش، ماقدروش يكملوها مش علشان إحنا شاطرين ولا الجيش تدخل ولا السيسي وقف، لكن ربنا قال لأ".

وأضاف السيسي: "ما تتصوروش إن البشر بسطاء، عقول البشرية بقى فيها طباع المكر والكيد واللؤم بشكل شديد التعقيد والتخفي، ولما أجي أقولكم كده تطلعوا 21 ألف إشاعة، يعني إنتوا جزء من الموضوع، بتسيئوا لأنفسكم وبتساعدوا في هزيمة أنفسكم"، متابعًا: "اللي بعمله هقابل بيه ربنا وأرجو أنه يقبله مني".

وأردف: "الإصلاح إحنا كحكومة بنخط استراتيجيات، وبنسعى لتنفيذها، لكن النجاح إن المنهج العلمي ده لا بد أنه يستمر ويتنفذ، ولو نفذنها هيبقى إحنا ماشيين صح، والإصلاح مش في سنة واتنين وتلاتة وعشرة".

وانطلقت أولى جلسات مؤتمر الشباب بجامعة القاهرة، في دورته السادسة اليوم بحضور السيسي، وتستمر حتى الأحد 29 يوليو.

وتعقد جلسة "استراتيجية بناء الإنسان المصري"، والتي يشارك فيها رئيس مجلس الوزراء، الساعة 12.30 ظهرًا، وفي الثالثة عصرًا تبدأ جلسة "تطوير التعليم المصري".

أما اليوم الثاني للمؤتمر، فيبدأ في العاشرة صباحًا بجلسة "تطوير منظومة التأمين الصحي"، والتي تشارك فيها وزيرة الصحة وعدد من عمداء كليات الطب، والأطباء الشباب.

وفي الثانية عشرة ظهرًا تبدأ جلسة "المشروع القومي للبنية المعلوماتية للدولة المصرية"، أما جلسة "اسأل الرئيس"، والتي يجيب فيها الرئيس السيسي عن الأسئلة بحضور شباب الجامعات، وتشهد الساعة الرابعة عصرًا، الجلسة الختامية للمؤتمر.