السيسي للمصريين: "ماتقفوش في نص الطريق وتضيعوا اللي اتعمل"

كتبت- ياسمين محمد:

قال الرئيس عبدالفتاح السيسي، إنه غير مطلوب من الدول الشقيقية الاستمرار في دعمنا قائلًا: "هل مطلوب من الأشقاء الاستمرار معانا ويطلعوا دعم لينا كل شهر؟ لا طبعًا، ومحدش بيعمل كدا، إحنا اللي المفروض نتحرك ونشيل بلدنا ونبنيها ونعمرها ونتحمل ده".

وأضاف السيسي، خلال كلمته بجلسة "اسأل الرئيس"، ضمن فعاليات المؤتمر الوطني السادس للشباب، المنعقد بجامعة القاهرة، أن تلقي الدعم من الدول الشقيقة، كان أول عامين من حكمه فقط، ولكن بعد ذلك كان لا بد من اتخاذ قرارات إصلاحية أولها تعويم الجنيه في نوفمبر 2016: "الوضع كان متردي جدًا، والناس ماكانتش لاقية دولار، الدولار اتحول لسلعة واللي عارف قيمته كان بيبيع أرضه ويشتريه أو دهبه أو أي حاجة تانية، وكان لازم نعمل المسار الإصلاحي ده علشان نتجاوز الأزمة".

وقال الرئيس إن الدولار لم يعد سلعة الآن، إذ وصل حجم الاحتياطي النقدي في البنك المركزي لـ45 مليار دولار، مضيفًا أنه لا بد من السير في الإصلاح الاقتصادي للنهاية بتبعاته، ليس رغبة في إرهاق المواطنين: "أنا مش هقدر لوحدي، سألتكم من البداية هتتعبوا قولتلوا ماشي، ليه جايين في نص السكة وتقولوا مش لاعبيين".

وتابع: "زي ما أنا معاكم على العهد والوعد إنتوا كمان تبقوا على العهد والوعد مع بلدكم، ماتضيعوش اللي اتعمل".

وشهدت فعاليات اليوم الثاني، جلسة "تطوير منظومة التأمين الصحي"، كما يتضمن جلسة بعنوان "المشروع القومي للبنية المعلوماتية للدولة المصرية"، ثم جلسة "اسأل الرئيس.. الرئيس وشباب الجامعات".

وانطلقت فعاليات اليوم الأول من المؤتمر، أمس السبت، بـ3 جلسات، بدأت الجلسة الافتتاحية في الـ11 صباحا، ثم جلسة "استراتيجية بناء الشباب المصري"، والجلسة الثالثة بعنوان "استراتيجية تطوير التعليم".