"الحاجة بتتعمل زي الكتاب".. 10 رسائل للسيسي بافتتاح مجمع أسمنت بني سويف

كتبت- ياسمين محمد:

افتتح الرئيس عبدالفتاح السيسي، اليوم الأربعاء، أكبر مجمع لصناعة الأسمنت والجرانيت والرخام، بمحافظة بني سويف.

ووجه السيسي، خلال كلمته، عددًا من الرسائل للشعب المصري والمسؤولين، يرصدها "مصراوي" في السطور التالية:

1- "هنطور شركات قطاع الأعمال في مصر من غير ما نأذي 210 آلاف عامل في الشركات دي".

2- "يا ريت عمال شركات قطاع الأعمال يدونا نطور شركاتهم علشان تبقى قوة اقتصادية مضافة للاقتصاد".

3- عمال الأسمنت هيدفعوا إيجار سكن العمال والمواصلات على حسابهم وكفاية المرتب الكويس".

4- "سنطرح الشركات الجديدة في البورصة عشان تشاركوا مع الدولة في مشروعات تدر عليكم دخل".

5- "هنعمل عدة محاور بين شرق وغرب النيل هتوفر عليكم مسافة طويلة.. بس لما أجي أحط محطة رسوم ما تتضايقش".

6- "مفيش حاجة ببلاش خلاص.. وبعمل الحاجة زي الكتاب ما بيقول".

7- بندفع دعم 334 مليار جنيه تقريبًا، بس مش هلغيه، لكن لو مكنتش بعمل الدعم ده كنت هعمل خطة استثمارية".

8- "إعلان مشروع زراعي لشباب 4 محافظات في الصعيد خلال شهرين علشان يبطلوا يهاجروا داخل وخارج مصر".

9- لازم نواجه أزمة البناء على الأراضي الزراعية.. وبنحتاج نصرف على إصلاح الصحراء بعد فقد الأراضي الزراعية".

10- "سنتعامل مع عمليات ردم مياه النيل.. مش كفاية العشوائيات خارج النيل كمان تبقى داخل الجزر النيلية".