الطفل الباكي يكشف كواليس تصويره داخل الفصل: "واحد تخين وراء الشباك"
الطفل الباكي
كتب - معتز عباس:
كشف الطفل محمد أحمد صالح، الذي ظهر فيديو عبر مواقع التواصل الاجتماعي، وهو يبكي داخل إحدى المدارس طالبًا من معلمته السماح له بالنوم، عن تفاصيل تصوير الفيديو له داخل الفصل، في مدرسته بمنطقة شبرا مصر.
وقال "الطفل"، "، خلال لقاءه ببرنامج "آخر النهار"، المذاع على فضائية "النهار"، تقديم الإعلامي معتز الدمرداش، اليوم الأربعاء: "اللي كان بيغطيني بالشنطة دة صحبي.. واللي قاعد جمبي على التختة قريبي، واللي صور كان واحد تخين واقف وراء شباك الفصل".
وأضاف: "صحبي كان بيغطي وشي عشان محدش يشوف وشي في الفيديو، وأنا أول مرة شوفت الفيديو كان على تليفون ماما ومسحته عشان أضايقت ومحبتش أشوف نفسي وأنا بعيط"، متابعًا: "أنا بحب أستاذة محاسن، لكن المُدرسة اللي عدت في الفيديو دي مبحبهاش، هي اللي بتضرب العيال، ضربتني وضربت العيال كلها اللي في الفصل، لكن التانية مبتضربتش".
وتابع: "مروحتش المدرسة غير مرة واحدة ومش هروحها تاني، وهنقل مدرسة تانية.. في مدراس تانية أحلى".
فيديو قد يعجبك:
