السيسي: "إحنا في الآخر خالص ومش هينفع نفضل كده"

كتب- محمد نصار:

وجه الرئيس عبدالفتاح السيسي، المحافظين، بالاهتمام برفع كفاءة شبكة الطرق الداخلية للمحافظات، قائلًا: "هتقولي هجيب فلوس منين، معرفش، طيب أنا بجيب فلوس منين".

وأضاف السيسي، خلال افتتاح عددًا من مشروعات الطرق والكباري، اليوم الأحد: "اللي بيتعمل دلوقتي، لما نتكلم على الطريق الدائري اللي كان مفروض يتعمل في 2003، كل اللي إحنا بنعمله مش جديد، العجلة كانت معروفة والدراسات موجودة، بس كانت الأزمة في إزاي يتعمل ويتصرف عليه منين".

وتابع الرئيس: "لو كنا من الـ10 الأوائل على العالم، وبنعمل شبكة طرق جديدة، كانت الناس بتقول هتضيعوا الفلوس في مشروعات البنية الأساسية، لكن إحنا في الآخر خالص، ومش هينفع نفضل في الآخر، عاوزين نعمل قدرات حقيقية للاستثمار والاقتصاد وهذا لن يأتي إلا من خلال شبكة طرق قومية".

وأوضح السيسي، أنه بمرور الوقت سيعلم الجميع وعلى كافة المستويات أهمية ما يتم إنجازه في الوقت الحالي، لافًتا إلى أهمية إعلان مسابقة داخل المحافظات، مؤكدًا: "متقولش البلد فين قول أنا فين".

كان الرئيس عبدالفتاح السيسي، وصل اليوم الأحد، مقر افتتاح مشروعات محاور النيل والطرق والكباري، بحضور عدد كبير من الوزراء وقيادات القوات المسلحة.

ويفتتح الرئيس السيسي اليوم، 5 مشروعات لهيئة الطرق والكبارى بتكلفة 7.9 مليار جنيه في مقدمتها الطريق الدائري الإقليمي.