السيسي: دخلنا مرحلة الفقر المائي وفق المعايير الدولية

كتب- محمد نصار:

قال الرئيس عبدالفتاح السيسي، إن مصر دخلت مرحلة الفقر المائي وفق المعدلات العالمية، حيث وصل نصيب الفرد إلى 500 م3.

وتابع خلال كلمته في الندوة التثقيفية الـ31، اليوم الأحد: "إحنا كدولة عملنا إيه من 2014 حتى الآن، الموضوع لم يكن عبارة عن إجراءات نعملها للتفاوض فقط دون إعداد، حجم المياه المتاح لينا بالكامل مبقاش كافي لينا، حجم المياه حتى الآن المتاح لمصر بالمعايير الدولية طبقًا للأمم المتحدة دخلنا في مستوى الفقر المائي للإنسان 500 م3 في العام وده فقر مائي".

وأوضح السيسي: "عملنا خطة متكاملة جدًا من 21014 وحتى الآن نفذنا منها ما يقرب من 200 مليار جنيه، عبارة عن إعادة تدوير المياه من خلال محطات معالجة ثلاثية متطورة وتم تنفيذها في العلمين والجلالة وشرق بورسعيد بطاقة 150 ألف م3 لكل منها يوميًا، على الأقل مش أقل من 1.5 مليون م3 في اليوم لتحلية مياه البحر".

وأكمل حديثه: "في 2037 الرقم ده هيوصل لـ900 مليار جنيه، مش معمول بس علشان مجابهة سد النهضة لأ، علشان لازم نوفر المياه اللازمة علشان النمو بتاعنا كعدد، وعلشان خططنا، وفي نفس الوقت مش هقول سر، اتفقت مع رئيس وزراء إثيوبيا على الالتقاء في موسكو للحدث في الموضوع والتحرك نحو الأمام علشان نحل المسألة دي بشكل أو بآخر".