السيسي عن وصف ما يحدث في سيناء بـ"التهجير": "معملناش كده فيه مليارات اندفعت"

كتب- محمد نصار:

كشف الرئيس عبدالفتاح السيسي، عن موقف العملية العسكرية الشاملة سيناء 2018، قائلًا: "إحنا من سنتين قولنا لازم نستعيد السيطرة على سيناء في 3 أشهر، أتصور بمتابعة ما يحدث أن حجم السيطرة والاستقرار الأمني تحسن كتير أوي مقارنة بالفترة دي".

وأضاف الرئيس السيسي، خلال الندوة التثقيفية الـ31 للقوات المسلحة، بمناسبة الذكرى الـ46 لانتصارات أكتوبر: "في المطلق لو بنتكلم عن تحقق هذا الأمر بنسبة 100%، الأمر محتاج تعاون أكتر بينا وبين أهلنا في سيناء".

وتابع الرئيس السيسي: "إحنا مهجرناش حد يا دكتور صلاح، اللي عملناه في سيناء كان عندنا بيوت ومزارع ملاصقة للحدود مع قطاع غزة، وكان لازم نخلي المزارع والبيوت دي، طيب بلا مقابل؟ لأ بمقابل، بنشوف المتر بكام واتفضل الفلوس أهيه".

وأكد الرئيس: "الكلام ده محصلش في 1967، الناس مشيت والدلتا استوعبت ده وقتها، لكن إحنا معملناش كده، إحنا مهجرناش الناس يا دكتور، دي مليارات اندفعت يا مصريين، مهجرناش حد، إدينا الناس فلوس وشيلنا المباني والمزارع لأنه أمن قومي لـ100 مليون ولن نسمح لأن يكون شوكة في ضهر البلد".

وأوضح السيسي: "نبني مدن كاملة منها رفح الجديدة، وغيرها وهنبني تاني، والمجتمعات البدوية التي نقيمها، عبارة عن آبار وأراضي زراعية وبيوت يريد أهل سيناء العيش فيها، لكن أنا بتكلم على أرض الوضع فيها كده، لما طيارة تنزل وينضرب فيها وزير الدفاع مينفعش، لازم الطيارة تنزل في سيناء والعريش وهتنزل".

ويأتي ذلك ردًا على حديث الدكتور صلاح سلام، عضو المجلس القومي لحقوق الإنسان حول ما يحدث في سيناء، ووصفه لما يحدث بأنه "تهجير" لأهالي سيناء، متسائلًا: متي تنتهي العملية الشاملة ويعوديون إلى منازلهم؟".

ويحضر الندوة الدكتور مصطفى مدبولي، رئيس مجلس الوزراء، والفريق محمد زكي، وزير الدفاع والإنتاج الحربي القائد العام للقوات المسلحة، وعدد من الوزراء وكبار رجال الدولة والقوات المسلحة.