السيسي يطالب بوضع برنامج قاري لأفريقيا بتكلفة 200 مليار دولار

كتب- محمد نصار:

طالب الرئيس عبدالفتاح السيسي، بوضع برنامج قاري أو مشروعات قارية لبنية أساسية داخل القارة الأفريقية تتكلف 200 مليار دولار.

وأضاف السيسي، خلال جلسة سبل تعزيز التعاون بين دول المتوسط وتعزيز المصالح المشتركة، اليوم الأحد، ضمن فعاليات اليوم الأول لمنتدى شباب العالم 2019: "مش منحة لكن قروض تعمل بها الشركات في هذا المشروع حتى نغير حياة أفريقيا ومستقبل أفريقيا بعد 40 أو 50 سنة هيوصل الرقم لـ2 مليار شخص أغلبهم شباب، لو هنقدر نسيطر على موضوع الهجرة الآن، لما الأعداد دي تتزايد هيبقى أمر خطر على الدول التانية".

وأكد الرئيس: "الهجرة بكل صورها مش هقول حلولها بعصاية سحرية، لكن كل اللي قولتوه كتبته علشان نتعلم منه ونستفيد، بس أحيانًا بيكون كلامنا في الندوات شئ وتنفيذه على أرض الواقع مختلف شوية".

وتابع الرئيس: "كان ممكن الكلام ده يتعمل بشكل أكثر إحكامًا لو إحنا كان الوضع مستقر حتى في دول زي الساحل والصحراء، التصحر اللي موجود ده في أفريقيا، طيب الناس اللي كانت بتعيش ومناطقها بقت غير قابلة للعيش فيها خلاص الناس بتهاجر للداخل أو أي حتة تانية، الأزمات المتسلسلة حطوها في الاعتبار".

تابع تغطية خاصة لفعاليات منتدى شباب العالم.. لحظة بلحظة (اضغط هنا)