السيسي: فكرة تقوية الأحزاب لم تأت صداها.. وقررت "أخد خطوة لقدام"

كتب - محمود مصطفى:

قال الرئيس عبدالفتاح السيسي، إن فكرة تقوية الأحزاب لم تأت صداها حتى الآن، على الرغم من مناداته بها خلال السنوات الماضية.

وقال الرئيس السيسي خلال لقاءه مجموعة من المشاركين في منتدى شباب العالم، اليوم الثلاثاء: "فكرة تقوية الأحزاب لم تأت صداها، قولت هستنى أما يقوا الأحزاب، ويخشوا الانتخابات التشريعية والمحلية، ويبقى ليهم مكان وبعدين نعين منهم، طيب ما أنا أخد خطوة لقدام، وأعين من دلوقتي، ولما الأحزاب تقوى تبقى الفرصة متاحة قدامهم، بالتدافع الطبيعي".

ووجه الرئيس السيسي حديثه لنائب محافظ المنوفية: "تعالى يا محمد خش شوف محافظة المنوفية في ظل ما لدينا، ما هو اللي أنت هتطالبني بيه الناس هتطالبك بيه، هتقولي النهاردة لك صلاحيات ولك مهام، وهتيجي تقولي أنت عينتني نائب محافظ طيب هاتلي وهاتلي، هقولك لو كان متاح إني أجيبلك كنت جيبت لغيرك".

وواصل: "الفكرة إن إحنا كلنا كوطن، الوطن دا مش بتاع حد، بتاعنا كلنا، نتشارك فيه، والفكرة كانت ندفع بالشباب بصفة عامة، يخشوا معانا في العمل العام، والتوجه العام للقيادة هو المشاركة والتشارك".​