محافظ الجيزة مشيدًا بفريق "udc": "نستمد منكم الأمل والعزيمة"

كتب-إسلام ضيف:

تصوير- أحمد طرانة:

أشاد اللواء أحمد راشد، محافظ الجيزة بأعضاء فريق "udc" المكون من طلاب بقسم هندسة الطيران والفضاء بجامعة القاهرة، بعد حصولهم على المركز الأول في مسابقة تصميم طائرات بدون طيار، التي أقيمت تحت إشراف المعهد الأمريكي لعلوم الطيران والفضاء.

وقال راشد أثناء تكريمه الطلاب، إنه لم يصدق ما سمعه عن إنجاز الطلاب متابعا: "مكنتش مصدق إن ده حصل في مصر، فسألت المتخصصين والجامعة وقالولي في أكتر من كدة، وأعطيت تكليف إننا نعمل هذا التكريم".

وتابع المحافظ: "سعيد إني موجود معاكم وسعيد باللي سمعته عنكم، وكل يوم نسمع جديد على أرض مصر لأن مصر وأنتم ولادنا تستاهلوا كتير، مصر تستاهل كتير، كل اللي بيتعمل ده ليكم، نحن أجيال مش هنستمتع بالتنمية اللي بتحصل في مصر".

وأكمل: "نستمد منكم الأمل والعزيمة ونبني ونكمل، بلدنا مش أقل من الدول المتقدمة، ودورنا إنها تكون في مرتبة أفضل، ونشوف كل يوم براءة اختراع جديدة، ولازم يكون انتمائكم وولائكم للبلد".

وأضاف محافظ الجيزة: "أنا كبير في السن، شفت مشاريع كتير بتجري في البلد زمان لكن اللي بيتم النهارده مختلف تماما، زمان كان جيلنا حلمه إنه يبقى له شقة، إنما الدولة دلوقتي بتوفر شقق وبتفعل دور المجتمع المدني والدولة بتحاول تعمم مشروع التأمين الصحي".

ووجه المحافظ حديثه للطلاب: "أنتم قادرين تضعوا مصر في مرتبة أحسن، أتمنى لكم كل التوفيق وأشكر أولياء أموركم لأنهم لهم كل الفخر والشكر والتقدير".​