السيسي: لم ننفق جنيهًا واحدًا من الموازنة على العاصمة الجديدة.. وهذه طريقة توفير الأموال

كتبت- ياسمين محمد:

قال الرئيس عبد الفتاح السيسي، إن البعض يقول إن الدولة أنفقت 200 مليار جنيه على البنية الأساسية بالعاصمة الإدارية الجديدة، مشيرًا إلى أن الدولة لم تنشئ العاصمة الجديدة فقط ولكن هناك: المنصورة الجديدة، الإسماعيلية الجديدة، شرق بورسعيد، والسويس الجديدة: "ياجماعة اللي بيطرح الطرح بالشكل ده قصده يؤلمك ويوجعك وينغص عليك عيشتك".

جاء هذا خلال كلمته بالندوة التثقيفية للقوات المسلحة بمناسبة يوم الشهيد، اليوم الأحد.

وأضاف السيسي: "لو بتصدقوا الحلفان، والله والله والله كل ده مش معمول من موازنة الدولة"، مشيرًا إلى أن إنشاء هذه المدن الجديدة، جاء من خلال رفع قيمة الأراضي التي لم يكن لها قيمة كبيرة من قبل من خلال التطوير: "إحنا بنحول الأراضي اللي مالهاش قيمة، لأراضي ذات قيمة مرتفعة من خلال تطويرها، زي مثلا من أنشأنا محور بمدينة أسيوط، رفع قيمة الأراضي المحيطة، ونفس الكلام في المنصورة وأسيوط والمنيا، والعاصمة الإدارة الجديدة، طرحنا شقق وفيلات ومن فلوسها عملنا البنية التحتية".

وتابع: "ممكن اطلع في التليفزيون كل يوم واتكلم معاكم لو ده هيخليكم تصدقوا، أنا بتكلم معاكم كمواطن مصري، إنسان منكم، والله والله والله هقف أمام ربنا واسألكم زي ما أنتم بتسألوني، وهاحسبكم زي ماانتوا بتحاسبوني، أنا خايف عليكم، بقالنا 6 سنين بننزف، الشهيد والمصاب مش بس اللي في الجيش والشرطة، لكن اللي تم استهدافهم في المساجد والكنائس".