"شمر وشيل مع مصر".. السيسي يوجه رسالة للشباب
الرئيس عبدالفتاح السيسي في مؤتمر الشباب (4)
كتب- محمد نصار:
قال الرئيس عبدالفتاح السيسي، إن الشباب معني بحمل الدولة المصرية والنهوض بها خلال المرحلة المقبلة: "الشباب معني يشمر ويشيل مع مصر علشان يقوم بيها ويحطها في المكان اللي بنتمنى نشوفها فيه".
وأضاف السيسي، خلال المؤتمر الأول لمبادرة "حياة كريمة" ضمن فعاليات اليوم الثاني للمؤتمر الوطني للشباب في نسخته السابعة، اليوم الأربعاء: "في الصحة لما اتكلمنا قولت لوزيرة الصحة من فضلك إذا كنا هنستهدف قدرة مالية كبيرة علشان نغطي تكاليف العلاج وفق المعايير الدولية مش هنقدر، تعالوا ناخد مبادرات نحل بيها مشكلات، حياة كريمة هدفها تكثيف الجهود".
وتابع الرئيس: "الحكومة كانت كل أملها خلال السنين اللي فاتت تدخل صرف صحي ومياه شرب، ملهاش علاقة البيت قديم ولا لأ، إحنا تصدينا لموضوع تاني خالص لـ200 ألف أسرة كانوا موجودين في حياة بسيطة جدًا، وعملنا مساكن تليق بيهم، وزيرة التضامن تقولي أنت مصمم تفرش المساكن دي أقولها أه، مقدمناش غير حلول وابتكارات ومبادرات لمعالجة مسائل مزمنة في مناطق هي الأكثر فقرًا على الإطلاق في مصر ونغيرها تمامًا".
وزاد السيسي: "ميبقاش في طريق نسيبه، ولا صرف صحي ولا مياه إلا نمدها، ولا كهرباء إلا لما نوصلها للمناطق دي، الدكتور شاكر كلمني على كفاءة شبكة التوزيع من 3 سنوات، قالي أوعى تفتكر لما يكون عندنا محطات توليد يبقى حلينا مشكلة الكهرباء، لأ إحنا محتاجين تقوية شبكة توزيع الكهرباء وإنشاء محولات جديدة".
فيديو قد يعجبك:
