ريهام سعيد: "أنا بعاني من السمنة.. ومحمود حميدة جرحني"- فيديو

كتب- يوسف عفيفي:

وجهت الإعلامية ريهام سعيد، عدة رسائل للجمهور طالبت فيها بعدم الانسياق وراء الأحاديث الكاذبة عنها، والتأكد من صحة المعلومة من خلال الرجوع إلى أصل الحديث المذاع عنها قائلةً: "من فضلكم لما تلاقوا جملة اتاخدت من سياق حديث واتحطت على موقع، لازم تتأكدوا من أصل الموقع ده أيه ومين القائم عليه وفي نفس الوقت ارجعوا للحلقة الأساسية واسمعوا أنا قولت إيه".

ونشرت "ريهام"، فيديو على "إنستجرام" اليوم الخميس، قالت فيه: "أنا قرأت أخبار نسبت ليا بأن التخان شكلهم وحش ومشوهين المنظر.. أوك أنا قولت قبل كده زمان، لكن كان في سياق حديث وأحنا عاملين حلمة سمنة وبنعالج ناس وأنا مريضة سمنة وبعاني منها وما فوقتش منها غير لما الفنان محمود حميدة، قالي كلمة جرحني بيها لكنها فوقتني، فقررت أواجه الناس بتوع السمنة وأقولهم إن اللي بيقولكم شكلكم حلو وإن خفة الدم والروح مش مهم الشكل بيضحك عليكم لأنكم أكتر ناس بتعانوا ومضايقين منها".

وتابعت: "عيب على المواقع اللي بتاخد الجملة من وسط الحلقة عشان تدي الناس أنطباع مش صح عن اللي كان بيتقال، فلازم عشان تاخد جملة من سياق حديث أتقال لازم تعرف اتقال إيه قبلها وبعدها عشان تعرف الحقيقة فين، فدول أصدقائنا الإخوان عشان أنا قولت حملة السمنة اللي بنعملها استجابة لمبادرة الرئيس السيسي".

وأضافت :"أنا بعمل حملات سمنة من زمان واللي شجعني المرة دي دعم الرئيس، فكنت مبسوطة جدًا إننا متطورين لدرجة إن هناك ناس قائمين على الدولة فهمين خطورة وأهمية مرض السمنة وبيذكروها في اجتماعاتهم السياسية والاجتماعية والاقتصادية".

ووجهت حديثها للإخوان قائلةً: "كلوا بعض وكلوا في نفسكم وأنا عارفة إن مدينة العلمين الجديدة وتنظيم بطولة أفريقيا ومليون حاجة لسة هتيجي حرقاكم أوي.. وأنا عاملة الفيديو ده عشان الناس التخان اللي أنا منهم اللي بيعانوا من مرض السمنة".

وأوضحت، أنها قامت بعمل حملة كبيرة ضد مرض السمنة وستعلن عنها للجمهور في برنامجها الليلة، قائلة: "هقولك على ريجيم كويس أوي بيخسس 10 كيلو في 20 يوم وأنا عملتوا وخسيت فعلاً، وهفضل أقدملك حلول كتيرة جدا وأقول إن التخن بيشوه وحاجة وحشة جدًا".

لمشاهدة الفيديو إضغط هنا