"مقدرش ولو عايزين قولولي".. السيسي يتحدث عن المصالحة مع الإخوان

كتب- محمد نصار:

قال الرئيس عبدالفتاح السيسي، إن محاولات استهداف الدولة المصرية لن تتوقف من قبل من يقومون بها، وذلك أن هدفهم تدمير الدولة.

وأضاف السيسي، خلال الندوة التثقيفية للقوات المسلحة بمناسبة الذكرى 47 لانتصارات أكتوبر المجيدة، اليوم الأحد: "لو عايزين ترتاحوا من اللي بيتعمل فيكم كل يوم ده اتصالحوا، نعمل إيه.. اتصالحوا لو عايزين تتصالحوا قولولي، أنا مقدرش أتصالح".

وتابع الرئيس: "طيب مش بيقولوا الصلح خير طيب مبتصالحش ليه، مقدرش أتصالح مع اللي عايز يهد بلادي ويؤذي شعبي وولادي، لو اختلف معايا اختلاف على أد الاختلاف أهلا وسهلا، لكن لو عايز تدمر وتخرب وتقتل أصالحك إزاي، أنا وشعب مصر هان عليك، الأطفال والسيدات والكبار هانوا عليك ومستعد تشردهم وتوديهم يقتلوا أو يبقوا لاجئين ومقولتش بلاش لأجل خاطر الناس في مصر، لو قولت كده هقول والله ضميرك ودينك وإنسانيتك موجودة لكن انت مبتعملش كده، لا عندك دين ولا ضمير ولا إنسانية".