السيسي: اشتراطات في منتهى الحزم والقوة للقضاء على البناء غير المخطط

كتب- محمد نصار:

قال الرئيس عبد الفتاح السيسي، خلال افتتاحه عددًا من المشروعات القومية، اليوم الأحد، إن الدولة ستفرض شروطًا أكثر حزمًا وقوة لمنح تراخيص البناء؛ للتوقف عن البناء غير المخطط.

وأضاف السيسي، في تعقيب له على حديث لوزير الإسكان خلال افتتاح بعض المشروعات: "إحنا نتيجة البناء غير المخطط كانت الناس بتبني تحت خطوط الضغط العالي، وده كان بيأثر جدَّا على الصحة العامة، فقولنا إن البرنامج من ضمن أهدافه إزالة كل المخاطر؛ بما فيها الخطر ده، بغض النظر عن كفاءة المساكن الموجودة هنا، فقُلنا إحنا حنشيل الكابلات دي من فوق مباني الناس وننزلها تحت، وعلشان نعمل كده التكلفة كانت تقريبًا مليار إلا ربع".

وأضاف رئيس الجمهورية: "أنا لما قُلت مش حنسمح بالمخالفة تاني لأنه ثبت بالتجربة لما نعمل أماكن مخططة صح وفيها كل الاشتراطات بتبقى أقل تكلفة بكتير من مواجهة أي آثار ضارة ناتجة عن البناء غير المخطط اللي أحيانًا لا نستطيع مواجهتها في الأساس".

وتابع السيسي: "لو شفتوا أي مباني محيطة بالمباني اللي الدولة بتعملها مش هتلاقوا حد بيعمل مشروع بالشكل ده".

واستطرد الرئيس: "دعونا نتوقف عن موضوع البناء غير المخطط ونبتدي ننظم بلدنا، والناس اللي عايزة شقق حتاخد شقق، والناس اللي عايزة تعمل مشاريع وتبيع للناس حنخليها تعمل كده بس بصراحة إحنا حنكون حازمين واشتراطات البناء حتكون في منتهى الحزم والقوة لغاية ما نتغلب على اللي احنا موجودين فيه ده".

وأوضح السيسي: "اللي إحنا فيه ده مش موجود غير في بلدنا، إحنا استحملنا الفترة اللي فاتت، وده حجم التمدد اللي كان زيادة عن اللزوم". وتابع الرئيس: "إحنا بنقول كده علشان لما يبقى في صلابة في الموقف وشدة من الأجهزة؛ سواء من التنمية المحلية أو الداخلية، فالهدف منها حماية الوطن من إننا نعيش كده".