سمير فرج: هذا ما كتبته في التقرير السري عن السيسي.. وفخور إني كنت معاه في الجيش

كتب- مصراوي:

كشف اللواء سمير فرج، مدير الشئون المعنوية الأسبق، تفاصيل التقرير السري الذي كتبه في الرئيس عبدالفتاح السيسي، عندما كان قائدا لكتيبته في الجيش منذ نحو 40 عاما.

وقال فرج على هامش الندوة التثقيفية للقوات المسلحة في ذكرى حرب أكتوبر: كنت قائدا للملازم أول عبدالفتاح سعيد السيسي، ويوم ما سبت الكتيبة، كتبت التقرير السري، وعملت التقرير، وكان الملازم أول الوحيد اللي خد تقدير امتياز كان حضرتك، ولما كتبت الامتياز، كتبت في تقرير ليه الامتياز، كنا بنلف في عربية جيب وحصلت عاصفة رملية، وبلغنا قيادة اللواء وبعتوا بلدوزر، والكتيبة كان فيها مواقع مناعية، وقلت النهار له عينين، والملازم عبدالفتاح السيسي، قالي المدنيين لازم يعدوا الصبح، ونزل الملازم عبدالفتاح يفتح الطريق، وقالي أنا حافظ الطريق يا فندم، وكلم الشئون الإدارية يجهزوا الفطار، وغير الفطار من جبنة بيضة إلى عدس عشان الشتاء، وطلب توزيع جبنة مثلثات بدل الجبنة اللي في صفايح عشان أسهل، وتاني يوم قالي تمام في كل شيئ، الظابط اللي ياخد كل القرارات دي، يبقى صاحب قرار، الكلام ده من 40 سنة وإديتك امتياز، ومكنتش عارف إنك هتكون رئيس جمهورية، القرار شفته لما بتخلص مصر من الإخوان".

وتابع اللواء سمير: قراراك بتخليص مصر من الإخوان هيتكتب بعد 100 سنة، كل اللي بتعمله كوم، والإخوان كوم، في اليوم ده افتكرت الملازم عبدالفتاح السيسي، بفتخر إني كنت مع حضرتك ليرد السيسي، لأ يا فندم، أنا اللي كنت مع حضرتك.

وأكمل فرج: أنا سني كبير، وهقابل وجه كريم. وأضاف السيسي: عمر العين ما هتترفع عن الحاجب.