السيسي عن توفير المشروعات والمجمعات الصناعية: المواطن ياخد الحاجة خلصانة

كتب- محمد نصار:

طالب الرئيس عبدالفتاح السيسي الحكومة ببذل المزيد من الجهد من أجل تيسير المشروعات والفرص الصناعية والاستثمارية التي توفرها الدولة للمواطنين.

جاء ذلك خلال افتتاح عدد من المشروعات القومية في الصعيد، اليوم السبت، بحضور الرئيس عبدالفتاح السيسي.

وتحدث السيسي عن إتاحة المشروعات والمجمعات الصناعية للمواطنين، قائلا: هطلب منكم جهد أكبر من كده، مش هقول للمواطن اجري خلص ورقك، لأ، أنا عايز أبقى وجود معاه لحد ما يخلص، لحد ما يبدأ يشتغل ويطلع إنتاج هياخد وقت، مش بس كده في إجراءات بيروقراطية بيعملها المواطن، قولنا ادوا للمواطن الحاجة خلصانة، يبقى النهاردة بقوله تعالى الحاجة بتاعتك موجودة والتمويل منخفض التكلفة كمان.

وأضاف الرئيس: لو معملناش كده مش هنقدر نحقق النجاح اللي بنتمناه وهفترض انه عارف لكن أنا هبقى عارف أكتر منه لأني شايف خريطة البلد وحجم الطلب على المشروعات.

وواصل: محتاج أقيم المسار، إحنا صرفنا 16 مليار جنيه من 2014 لـ 2021 وبنتكلم في مليون مشروع، طيب عايز أقيم يا ترى الـ 825 ألف مشروع دول كان حجم العائد منهم على الناتج المحلي والتشغيل أد إيه.​