السيسي: الناس في أسوان بيكلموني على شغل

كتب- محمد نصار:

وجه الرئيس عبدالفتاح السيسي بتعظيم الإنتاج السمكي في بحيرة ناصر بمحافظة أسوان.

وقال السيسي، خلال افتتاح مصنع اليوريا ونترات الأمونيا بمنطقة كيما بمحافظة أسوان: يا جماعة الناس في أسوان بتكلمني إمبارح على أنهم مش قادرين يشتغلوا، عايزين شغل.

وتابع: يا ناس، ويا حكومة، بحيرة ناصر في أسوان كانت بتجيب في الأول 80 ألف طن سمك من 40 سنة دلوقت بتجيب 20 ألف طن بس.

وواصل: أنا لما أنزل كمواطن، البحيرة دي تبع هيئة الثروة السمكية التابعة لوزارة الزراعة، إحنا مش قاعدين نحرج بعض، لا والله، هل ده ذنب وزير الزراعة أو اللي قبله أو اللي قبله، لأ، لازم تعرفوا ليه البلد دي ضاعت، اللي بيصطاد بيرجع بيته جيبه مليان، لما يجيب 100 كجم غير لما يصطاد 20 كجم.

وأضاف الرئيس السيسي: ليه إنتاج البحيرة دي من 80 ألف طن إلى 20 ألف طن، هقول ليه، لأن وزارة الزراعة متمثلة في هيئة الثروة السمكية

ويتفقد الرئيس عبد الفتاح السيسي، اليوم الثلاثاء، مصنع اليوريا ونترات الأمونيا بمنطقة كيما بمحافظة أسوان.

كما يتفقد الرئيس محطة سكك حديد أسوان حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.

صرح بذلك السفير بسام راضي المتحدث الرسمى باسم رئاسة الجمهورية.