السيسي: نظم الري والزراعة الحديثة توفر السماد والمياه وتقلل التلوث

كتب- أسامة علي:

قال الرئيس عبدالفتاح السيسي إن استخدام نظام الري والزراعة الحديثة سيوفر في استخدام الأسمدة بنسبة تتراوح ما بين 40% إلى 50%.

وأضاف الرئيس السيسي خلال افتتاح مصنع كيما بأسوان: "الوزير بيقول بعنا الأرض علشان ناخد قروض.. بعنا الاراضي علشان ده ونجيب جزء من الفلوس.. مش عاوزين نرجع تاني للخراب والمصنع ده بعد شوية يرجع يتدهور تاني".

وأوضح الرئيس السيسي أن هناك 3 أمور للقضاء على الفساد وهي التسعير والإدارة والحوكمة، مضيفا: "نعمل إجراء علشان نحقق التسعير علشان يبقي سعر مناسب للزراعة في مصر.. كان الطن بتمن ودلوقتي بتمن تاني، ووصل إلى 14 ألف جنيه "طن السماد" نتيجة السنتين اللى فاتوا".

وتابع السيسي: "إحنا عايزين نصدر وعاوزين نكفي احتياجات السوق، والأسعار في السوق مدعومة والسعر وصل إلى تلت السعر الحقيقي اللي موجود في العالم".

وأضاف: "التسعير محتاجين نحل فيه، وبقول للمزارعين ووزارة الزراعة يا جماعة نظم الري والزراعة الحديثة هتخلي كمية الأسمدة المستخدمة أقل بنسبة 50% أو 40% وبكده نحافظ على المصانع".

وشدد الرئيس السيسي على أهمية الاستخدام الأمثل للمياه من خلال نظم الري الحديث والذي سيقلل التلوث ويقلل استخدام المياه ويوفر في السماد.