اللي بيتعمل حلم.. السيسي: وزير الكهرباء بيقعد يغلبنا ويقول مش هعمل حاجة الإ لما تدوني الفلوس

كتب- محمد عبدالناصر:

قال الرئيس عبد الفتاح السيسي، إنه لكي يتم عمل محطات معالجة مياه الصرف تحتاج إلى كهرباء لعمل خطوط التوصيل، مؤكدا أن وزير الدكتور محمد شاكر وزير الكهرباء يطالب بتوفير الأموال اللازمة لذلك قبل بدء التنفيذ، قائلا: "وزير الكهرباء بيقعد يغلبنا ويقول مش هعمل حاجة إلا لما تدينى الفلوس".

وقال السيسي خلال افتتاح مشروع معالجة مياه الصرف الصحي في بحر البقر: "عشان 15 محطة مياه معالجة مياه الصرف الصحي يتعملوا قعدنا مع شركات اللي بتجيب الطرمبات عشان تفاصل معاهم في ثمن حاجاتنا اللي بنجبها لبلدنا ولو كل ده اتعمل من غير حوكمة كان السعر هيكون 200 مليار جنيه".

وتابع السيسي: "يا مصريين شوفوا إحنا بنعمل إيه والمنتج اللي بيتجاب والعمل اللي بيتعمل على الأرض وشبكات الكهرباء حاجة فوق الخيال والله، وعايز اخليكوا تفرحوا بقدراتكم اللي بيتعمل ده والله العظيم حلم وكرم كبير من ربنا علينا عشان نعمله وباقي أن إحنا نزرعه".

وافتتح الرئيس عبد الفتاح السيسي، صباح اليوم، محطة معالجة مياه مصرف بحر البقر التي تعد الأضخم من نوعها على مستوى العالم بتكلفة ٢٠ مليار جنيه وبطاقة إنتاجية ٥,٦ مليون متر مكعب في اليوم من المياه المعالجة ثلاثياً سيتم نقلها إلى أراضي شمال سيناء لتساهم في استصلاح 500 ألف فدان في إطار المشروع القومي لتنمية سيناء ولتعزيز منظومة الاستخدام الأمثل للموارد المائية للدولة".