اللي يقدم عرض كويس يتفضل.. السيسي:"ما عندناش مشكلة في مشاركة المستثمرين معانا"

كتب – محمود مصطفى:

قال الرئيس عبدالفتاح السيسي، إن الدولة لا توجد لديها أي مشكلات في مشاركة المستثمرين في المشروعات اللي تقوم بها، متابعا: "اللي هيقدم عرض كويس هناخده".

وأضاف خلال متابعته أعمال تطوير ميناء الإٍسكندرية البحري، الثلاثاء: "هنعمل حاجتنا بفلوسنا، وما عندناش مشكلة في مشاركة المستثمرين معانا، احنا لينا مسار مختلف عن السابق، ومحتاجين معدلات عمل بشكل أكبر".

وتابع الرئيس السيسي:"علشان نقول لحد تعالى خش اعمل تطوير هنا، هيلاقي تحديات صعبة، واحنا كدولة نحتاج لنزع الملكية وتعويض الناس، ويكون فيه ظهير مظبوط".

وأضاف الرئيس: "هنا قلق من التكلفة المالية والأعباء والديون، كان فيه قرار في 2005 للمحافظة على الدين العام من الزيادة، في ظل نمو السكاني وحجم الطلب على العمل والتشغيل، علشان كده بقول اعمل حاجتي بنفسي، وهذا الكلام ينطبق على القطار السريع، فوجئنا بأرقام كبيرة أوي، واما جينا نعمل حاجتنا بندخل في نقاش، وندقق كل شيء".​