"بيقولوا الدور الجاي عليك".. أحمد موسى يوجه رسالة للشامتين في وفاة الإبراشي

كتب- أحمد عبدالمنعم:

وجّه الإعلامي أحمد موسى رسالة للشامتين في وفاة وائل الإبراشي، قائلًا: "مفيش حد هيفضل كل واحد له ساعة محددة ولكن يبدو أن هناك فئة ضالة مجرمة شامتة هم أعداء بلدنا جماعة الإخوان الإرهابية".

وأضاف "موسى" في برنامجه على مسئوليتى عبر فضائية "صدى البلد": "فاكرين انهم هيفضلوا على مدى الحياة محدش فيهم هيموت فاكرين انهم بيحددوا ساعة موت أي حد عليهم اللعنات جميعا واحد واحد كلهم خونة وربنا يلعنهم جميعا.. شماتة غير مسبوقة عمرنا ما شوفنا دة أنه العار من المجرمين ما يطلق عليهم الإخوان المسلمين مفيش واحد مسلم عنده هذه الشماتة في واحد توفى".

وقال: "هما بيكرهو أي حد بيحب مصر لا يمكن تلاقيهم أبدا يتكلموا عن حد تاني.. بيقولوا الدور الجاي على أحمد موسى هو أنت أخدت مكان ربنا علشان تحدد أن الساعة اللي جاية أحمد موسى هو اللي هيموت.. كلنا هنموت ومفيش حد هيفضل".

وتابع: "والله عار على كل الإخوان دول ينتسبوا للإسلام.. ولكن وائل الإبراشي كان صامدا في وجه أعداء الوطن علشان كده من امبارح عاملين حملة ضده".