ده مش كلام معنوي.. السيسي: اللي بنعمله في مصر خطوة من ألف خطوة

كتب- أحمد السعداوي:

قال الرئيس عبد الفتاح السيسي، إن مصر أنشأت أكثر من 300 ألف وحدة سكنية، لافتًا إلى استمرار العمل؛ حتى نصل إلى مليون وحدة سكنية.

وأوضح السيسي، خلال جلسة "تجارب تنموية في مواجهة الفقر" ضمن فعاليات اليوم الثالث لمنتدى شباب العالم بشرم الشيخ، في نسخته الرابعة، الذي يعقد تحت شعار "العودة معًا"، الهدف مما سبق، قائلًا: هنفضل نتحرك عشان نخرج من دائرة الفقر، زي ما اتقال الفقر المتعدد، أوفَّر فلوس فقط، لأ، أدخل كدولة بإجراءات تحقق معالجة هذا الفقر المتعدد، تعليم وصحة ودخل وسكن مش جيد، الـ300 ألف وحدة دول، كنا بنجهزهم ونأثثهم في دولة ظروفها الاقتصادية متواضعة.

وأضاف رئيس الجمهورية: مصر دولة شابة، العاملون فيها عشرات الملايين، لو توقفوا، الدولة غير قادرة على إعطائهم أموالاً وإعانات، ولو نشتغل، إحنا اخترنا العمل، عشان ده هيحافظ على تدفق الأموال للعاملين والدولة هتتقدم بمعدلات كان المفروض مش هتحصل لأننا كنا هنقف، تجربتنا غير كده وقُلنا لأ، هنتحرك بالعمل ونتعامل بانضباط شديد بإجراءاتنا الصحية، وهنعمل إغلاق مؤقت لما يستدعى الأمر، وده اللي تم.

وتابع السيسي: كل اللي بنعمله في مصر هو خطوة من ألف خطوة، ده كلام مش معنوي، ده تقدير موقف حقيقي لوضعنا، عشان نواجه حقيقة ما نحن فيه، باقول ده للشباب اللي جاي من كل حتة في الدنيا، مش بنخبي حاجة بنقول للناس كل حاجة، ده تواصل مستمر من الحكومة مع الناس.