"أنا صريح ومبخافش".. السيسي يكشف تحديات تطوير الموانئ في مصر

كتب - محمد عمارة:

كشف الرئيس عبدالفتاح السيسي، في كلمته بختام المؤتمر الاقتصادي اليوم الثلاثاء، عن تطوير الموانئ في مصر.

وقال الرئيس: "فوجئنا في موضوع الموانئ في مصر، تم طرحها قبل كده للاستثمار الخاص، لازم كمسئول أشوف التاريخ والنتائج، هل محتاج تعديل؟ لو معدلتش يبقى أنا مش قادر اتعامل بالمرونة الكافية، فيه أحد الموانئ عندنا من 25 سنة ومطورش كتير، يا جماعة عايزين نعمل شبكة موانئ تليق وتقدر الدولة تعمل شغل يليق بمكان مصر، أقعد سنة واتنين وألاقي الموضوع متعملش".

وأضاف: "ميناء السخنة، قلت لكامل الوزير يتعمل كله، قالي عايز 40 أو 50 مليار جنيه، قولتله يتعمل يا كامل، أنا صريح ومبخافش.. قالي معيش فلوس، قولتله الجيش يساعدك، طب رجال الأعمال ممكن يعملوا ده؟".

واستكمل: "محور التعمير في إسكندرية، كامل قالي أعمله في 3 سنوات مالية لغاية 2024، قالي هيتكلف 15 مليار جنيه وهو 5 حارات، قولتله الجيش وسنة تسلمهولي، سمعت ناس بتقول عايزين نشوف الناس بتعمل إيه، لا؛ الباطل باطل لو اتبعه الجميع والحق أحق، لو مشيت على الكلام، كل الكلام اللي بيتقال ده، دي تجربة حكم، 10 سنوات يوميا، لإنسان جاد جدا، أنا بقولكم كلام، المحور ده خلص واتعمل وكمله لبرج العرب، هيبقى بـ30 مليار جنيه".