السيسي: الدولة مستعدة للاستثمار داخل وخارج مصر

كتب - محمود مصطفى أبوطالب:

قال الرئيس عبدالفتاح السيسي، إن البنية الأساسية لتجهيز الدولة للزراعة من 140 سنة في عهد محمد علي، ما كانش عندها مشكلة، والميه كانت بتجي يبتفوق، وتمت زراعة وتحسين الكثير من الأراضي.

وأضاف خلال كلمته في الجلسة الختامية للمؤتمر الاقتصادي بفندق الماسة بالعاصمة الإدارية الجديدة، اليوم:"مستعدين في الاستثمار لأي حاجة داخل مصر وبره مصر"، متابعا:" المستثمر مش جايب فلوس علشان يفرقها هو جايب فلوس علشان يكسب".

وأعرب الرئيس عبدالفتاح السيسي، عن سعادته بالنقاشات التي تمت خلال فاعليات المؤتمر الاقتصادي الذي عقد على مدار ثلاثة أيام بفندق الماسة بالعاصمة الإدارية الجديدة.

وقال:"خليني أرحب بيكم وأنا سعيد بالنقاش اللي تم"، مضيفا:"لما أطلقنا الحوار الوطني في أبريل، البعض تصور إنه سياسة، ولا بأس، لكن كان الهدف إننا نسمع بعض، في ظل الظروف، محتاجين نكون شايفين بعض، حتى رغم الاختلاف".

وتابع:"قلت كلام في بداية المؤتمر، ناس قالولي تقصد إيه، انت اتكلمت في موضوعات أخرى، أنا كنت شايف إنها متصلة، لما اتكلمت عن البيئة السياسة، هل البيئة في مصر والإقليم تتيح لنا؟، اوعوا حد يزعل مني، كل المقترحات اللي اتقالت، أي طالب في كلية سياسة واقتصاد، بيتكلم فيها، لكن إزاي تعملوها، كلامي هيبقى كده".

وأضاف:"كل الكلام اللي تم التوافق عليه، ملتزمين إننا نعمله، معملناش الحوار عشان نستهلك جهدكم وجهدنا، اللي اتقال مقدر ومحترم، كدولة وحكومة ملتزمين، لا بد للمؤتمر ده يكون فيه آليات مستقرة عشان نقدر ننفذ لو قابلتنا مشكلة".