نزلوله فيديو قديم!.. السيسي ينتقد مهاجمي وزير التعليم بمجرد توليه المسؤولية

كتب- محمد عمارة وأحمد السعداوي:

قال الرئيس عبد الفتاح السيسي، متحدثًا إلى حضور المؤتمر الاقتصادي، والله العظيم انتم ما شايفين كرم ربنا قد إيه.. ففهمناها سليمان، الموانئ اللي باتكلم فيها دي بتاعتي، باقول لك ادخل معايا، قد نكون شاطرين في العقد أو مش شاطرين؛ لكن حقي تاخد الميناء بطريقتي.

وأضاف السيسي، خلال الجلسة الختامية للمؤتمر الاقتصادي مصر- 2022، اليوم الثلاثاء: فيه كلام باسمعه في القاعات مع المتخصصين، وكلام عن الواقع اللي موجود في مصر، حد يقول لي هو التعليم علاقته إيه بالاقتصاد، اللي عمل الدستور قال التعليم مجاني وللجميع، خلي بالكم دول أهلي، ونفسي أديهم عيني، طب الدولة هتقدر، يا ترى المنتج هيبقى عامل إزاي، مش 25 مليون طالب، وأول ما الراجل لسه داخل، راح منزلين له فيديو قديم، احنا بنعمل إيه في نفسنا، طب همَّ من حقهم يحطوا التراب على أي حاجة، لكن احنا كمان.

واستطرد السيسي: انتوا مش عارفين يعني إيه دولة، وبتهدوا بلادكم، الناس الغلابة لما يجي حد يتقدم لهم، يقعدوا ينضفوا البيت عشان يشوفوه كويس، طب الفقير غلبان، طب الغني؟ أنا باكلِّم كل المصريين، البناء الفكري للدستور ماكانش منتبه لقدرة الدولة على تلبية الالتزامات دي، البرلمان يحاسب، والوزير ياخد على وشه، عشان اللي بيطلب حاجة بيطلب حاجة مش موجودة، المسار الفكري للدولة، الموضوع محتاج كل الجهود، عشان البلد دي تطلع لقدام، مش عبد الفتاح يقعد فيها، ده تفكير ضيق أوي.