أتخلَّص من القبح في كل شيء.. السيسي يرد على مدَّعي إنشاء الجامعات الأهلية للأغنياء فقط

كتب- محمد عمارة وأحمد السعداوي:

قال الرئيس عبد الفتاح السيسي، متحدثًا إلى حضور المؤتمر الاقتصادي، إن المسار الحالي أكبر من أي حد، لازم أشتغل على كل قطاعات الدولة، حد يقول لي مهتم بالحديد والأسمنت، طب والبشر؟ مهتم بكله.

وتابع السيسي: حد يقول لك دول بيعملوا الجامعات الأهلية عشان يدّوها للأغنياء، أنا باعمل مسار بتكلفة أقل عشان أحسِّن التعليم، باتخلَّص من القبح في كل شيء.

وأضاف السيسي، خلال الجلسة الختامية للمؤتمر الاقتصادي مصر- 2022، اليوم الثلاثاء: عايزين نشوف زي بعض، باختلاف، قُل لي وجهة نظرك، أنا حلِّيت مشكلة الموانئ، أنا ماعنديش وقت أتأخر أكتر من كده، ماعنديش مهلة 10 سنين عشان الناس تييجي، اللي أعرف أعمله، أعمل أنا، طب بقت موجودة، اللي عايز يتفضل، لكل الناس بما فيها شركات الجيش، طب شركات الدولة مطروحة، طب مش بتعتبروا ده فرصة، والله أنا صادق معاكم، كل شركات الدولة معاكم، بس ماتجيش تقول لي نفض لي منها العمالة الزايدة واديهالي، طب إزاي يعني؟! لما تعمل شركة قطاع خاص بتنقي ناسك، اللي حصل ده ميراث، إوعى تخلي غضبك من سوء الأداء يتحول لعداء مع اللي بيعمل سوء الأداء، إوعى تكره الفقير.