السيسي عن 2013: لو مفيش إيد حديد كانت الناس اللي في الشارع اتدبحت

كتب- محمد نصار:

أكد الرئيس عبد الفتاح السيسي، أن القدرة الاقتصادية للدولة لا تسمح بتقديم الخدمة المرجوة للمواطنين.

وأضاف السيسي، خلال مداخلة تلفزيونية، مع الإعلامي يوسف الحسيني: الدولة قدراتها ما تقدرش، هي إمكانياتها كده.، وإن كان حد يقدر يعمل حل يجي وأنا أبقى سعيد بيه.

وتابع الرئيس: أعلم الناس كويس إزاي ومنين، وكذلك الصحة، في 2013 لو مفيش إيد حديد كانت الناس اللي في الشارع اتدبحت، وما كانش حد يقدر يرفع صوته، لولا فيه جيش قوي وقادر وأنا كنت شاهد عيان في كل شئ.

وأوضح أن الاختلاف في الرأي مهم ولكن الاختلاف في الفهم يمثل مشكلة، متابعا: مين يطرح حلول ومهتم في تلك الظروف الصعبة، وكفى ما حدث في عام 2011، ولم يظهر أحد في 2013، تركتوها حتى احترقت كلها، ولم يستطع أحد الوقوف.

وواصل الرئيس السيسي: قدمت أكثر من 3000 شهيد وما يقرب من 13 ألف مصاب، وهذا دوري الذي مكني منه الله، أنا كنت رئيس الاستخبارات ومسؤول عن الأمن وكنت أرى ما كان يحدث، والإعلام يقوم بعمل سياق.. سياق إعلامي وفكري، ولا يمكن العودة مرة أخرى إلى الخلف".

واستطرد الرئيس: تطوير التعليم يحتاج 250 مليار جنيه حتى يكون لائقا بالمصريين، وأنت بتدي للمدرس 3000 و4000 جنيه هتاخد منه إيه في التعليم، ولما نتكلم عن المواطن الغلبان اللي هو 60% و70% وبيدخل ابنه مدارس حكومية يعمل إيه!.

وقال الرئيس عبد الفتاح السيسي: يجب أن نكون أمناء ومخلصين لبلدنا، واللي بيتكلم دلوقتي عن التعليم مدخل ولاده مدارس حلوة ومايعرفش حاجة عن التعليم.

وأكمل السيسي: اللي شايف إن عنده القدرة لحل الملفات يتفضل وأنا هساعده، البلد ظروفها في حتة وكلام الآخرين في حتة تانية خالص.​