لماذا تستخدم عبور لاند الزيت لإنتاج الجبنة؟ رئيس الشركة يشرح

كتب- أحمد مسعد:

كشف محمد حامد، رئيس مجلس إدارة شركة عبور لاند، أسباب استعانة مصانعه بإضافة الزيت إلى مراحل تصنيع الجبنة.

وقال حامد لمصراوي، الأربعاء: بنستعين بالزيت، لإن الألبان الموجودة في السوق أغلبها بقري، ونسبة دسمها 3%، بيتم رفعها لـ7 % عشان يبقى فيها طعم، بيتم استخدام الزيت لهذا السبب، بدون الزيت هتبقى زي الجبنة القريش.

وأضاف حامد: على المدى القريب مفيش زيادة في سعر منتجاتنا، إنتاجنا حاليا 30%، والشركة هتشيل أي زيادة.

وأوضح حامد لمصراوي: لبن البودرة اللي عندنا على الأد، والحليب 400 طن في اليوم، ودول ميكفوش حاجة لأن مفيش لبن في مصر، لبن المزارع قليل.

وأكمل رئيس مجلس إدارة الشركة: لازم نستخدم لبن بودرة وزيت، وبنستخدم كمان زبدة طبيعي.

وتابع حامد: بدفع أجور عمال وهما قاعدين في البيت، بدفع يوميا 400 ألف جنيه، عملنا إنتاج من امبارح 200 طن جبنة، طاقتنا الإنتاجية فوق الـ500 طن.

وتوجه حامد بالشكر لجهود الحكومة في استيعاب الأزمة الناتجة عن ما يحدث عالميا، كما وجه الشكر لموقع مصراوي لنشر الأمر أمس.

كان حامد كشف عن الأسباب الرئيسية لتوقف الشركة عن الإنتاج لمدة 7 أيام، من الأربعاء الماضي حتى اليوم.

وقال حامد في تصريحات لمصراوي، أمس الثلاثاء، إن هذا التوقف جاء جراء نقص 4 مواد رئيسية للصناعة، وهي: نقص الحليب، والزيت، والزبدة واللبن المجفف.

وأضاف حامد: كميات الألبان المنتجة في مصر لا تكفي مصانع الجبن، وبالتالي لا بد من الاعتماد على بعض المكونات الأخرى أهمها الزيوت، ومعظمه مستورد بنسبة 98%.

وأكد أن إنتاج الشركة كبيير للغاية، وهو ما يؤثر على حجم المعروض في السوق يوميا.​