بحضور الرئيس.. شريف منير: "بنام وأصحى ألاقي كل حاجة في مصر متغيرة"

كتب - محمود مصطفى أبوطالب:

قدم الفنان شريف منير، فيلما تسجيليا عن مدينة المنصورة الجديدة، اليوم الخميس، بحضور الرئيس عبدالفتاح السيسي.

وقال شريف منير خلال فعاليات افتتاح الرئيس السيسي، اليوم، مدينة المنصورة الجديدة: "أنا أحد أبناء مدينة المنصورة، وأتشرف بوجودكم هنا، والفيلم اللي اتعرض من شوية اتقال بصوتي".

وتابع: "الإنجازات واضحة وباينة، مش هنتكلم تاني عنها، لأنها مالية مصر كلها، حاجات اتعملت في لمح البصر، بنام وأقوم ألاقي الدنيا متغيرة، وبروح مشوار وارجع، أنا من سكان حي المقطم، ما بقاش حي، دا بقى مدينة، حاجة في منتهى الروعة".

وتابع: "حبيت الفن في المنصورة، بلد عظيمة وجميلة وناسها حلوين، روحت مراكز وقصور ثقافة، أبناء المنصورة كانوا بيعملوا فِرق، جيت هنا من سنتين ونص، لعمل إعلان عن المنصورة الجديدة، ما كانش فيه الكلام ده، ما اعرفش حصل إمتى، بجد شئ مبهر، العالم كله كان بيجاهد ويواجه تحديات، في الوقت ده كنا بنعمل إنجازات واضحة، اللي مش مصدق مع نفسه بقى، ملناش دعوة احنا، البلد كلها اتغيرت، كل دا حصل بالإرادة المصرية، وبنشتغل وعندنا ضمير صاحي، كله هيمشي، القطر ماشي".

وتابع: "بشكرك ياريس من كل قلبي على كل الإنجازات اللي حصلت، وبدعيلك".

وعلق الرئيس السيسي على حديث شريف منير قائلا: "أستاذ شريف انت من المنصورة؟، دي حاجة عظيمة جدا، احنا بنتشرف بوجودك النهاردة".​