السيسي للمجتمع المدني: اللي هيدي مزارع رأس ماشية حياته هتتغير

كتب - محمود مصطفى أبوطالب:
وجه الرئيس عبدالفتاح السيسي، نداء لمنظمات المجتمع بالعمل، لمنح رؤوس ماشية للمزارعين، قائلا: "لو نضع أدينا فى يد بعض ويكون الجهد مشترك من الدولة والمصانع ومنظمات المجتمع الدولى، وبنجمع أموالا ونساعد بها الناس ونعطي رأس ماشية سيتغير حياة المزارع، وليس أقل من 200 جنيه هيكسبها من رأس الماشية في اليوم".

وأضاف الرئيس السيسي، خلال افتتاح مدينة المنصورة الجديدة، اليوم:" إن هناك مليوني رأس ماشية نريد تطويرها، وذلك من خلال برنامج ممكن يستغرق 10 سنوات، بمعدل كل سنة 100 ألف رأس".

وتابع:"مينفعش نسيب الناس تشتغل وتبذل جهد مع رأس ماشية يأتي بكمية يجعل المنتج غالي، تعالوا نحلم ونحط إيدينا في إيد بعض، ويبقى جهد مشترك من الدولة، واللي هيدي مزارع رأس ماشية حياته هتتغير".

وتابع:"يلا، غيروا البلد دي كلكوا، عاوز تطلع دعم وزكاة مال صدقة أي حاجة، انت بتأكلني ولا تديني رأس زي دي، الجمعيات كلها مستعد تجري في الموضوع ده أكتر من كده، اما عملنا مراكز تجميع الألبان كان هدفها الحفاظ على الألبان، بلوم نفسي، والله العظيم بلوم نفسي، إنتوا لو بتتكلموا على المصريين بيكسب كام في اليوم، فيه فرصة ليهم آه، ما اعرفش ازاي اغير حياة الناس واساعدهم واساعد في رزقهم، بقول كده علشان نحط إيدينا في إيد بعض".