"بستعد لمرحلة ورحلة جديدة".. الإعلامية سارة حازم تعلن رحيلها عن "dmc"

كتب- أحمد عبدالمنعم:

أعلنت الإعلامية سارة حازم، رحيلها عن قناة "dmc"، قائلة: "النهاردة أخر ظهور لي على شاشتها المقربة إلى قلبي".

وأضافت في منشور عبر حسابها على فيسبوك: "النهاردة كان ظهوري الأخير على شاشة دي إم سي، أربع سنين معرفش عدوا وخلصوا إزاي، لكن النهاردة وأنا عالهواء كنت بحاول أشبع من المكان اللي هظهر منه لأخر مرة، واشبع من الناس الجميلة اللي أكيد هيفضلوا في حياتي لكن هفتقد إني أشوفهم كل يوم".

وأضافت: "4 سنين قضيتهم مع عيلتي مش مع زمايل في شغل وعمري ما حسيت للحظة غير إني في وسط أهلي، عاجزة عن الشكر لكل فرد في عيلة دي ام سي وتحديدًا الدكتور محمود مسلم اللي كان عنده إصرار إني أكون فرد من أسرة القناة العامة بظهوري يوميًا على شاشتها".

وتابعت: "بشكر كل فرد في الإدارة وكمان زمايلي واخواتي من مذيعين ومعدين وإخراج بروديوسرز وإنتاج وفنيين، مفيش كلام أبدا يعبر عن مشاعري وقد ايه هفتقد روحكم الجميلة وقد ايه كنت محظوظة إني كنت جزء من عيلتكم، بستعد لمرحلة ورحلة جديدة في حياتي".