هو مين يستحمل؟ السيسي: الأسعار حمل على الناس

كتب- محمد عمارة:
قال الرئيس عبدالفتاح السيسي، إن أسعار المنتجات حاليا تمثل عبئا على الناس.
وأضاف على هامش افتتاح مصنعين في منطقة أبورواش بالجيزة: احنا بنحاول مع بعضنا، ويا مثقفين وإعلاميين ومفكرين، كل كلمة بقولهالكم ممكن تكون عنوان كبير أوي تتكلموا فيه، فاهمين يعني إيه المواد الغذائية بتاعة الناس تزيد مرتين وتلاتة، هو مين يستحمل ده، بس خلي بالكم، البلد هتفضل تجابه الحالة دي سنة ولا اتنين، ومش عارفين هتخلص إمتى، انت بتحافظ ما أمكن على الأسعار متزيدش، بقول الكلام ده للمصريين كلهم، اوعوا تكونوا فاكرين إن احنا مش حاسين كبني آدمين ومسئولين، إن الأسعار حمل على الناس، بس والله، ما فيه أكتر من كده نقدر نعمل، أنا شرحت حاجة واحدة بس.
وأوضح السيسي في كلمته: لو اتكلمت على الكهرباء، هتلاقوا نفس الكلام، والله النهاردة الدكتور شاكر لو حب يسعر الكهرباء بالتكلفة الحقيقية، ما هو محدش بيجيب حاجة من جيبه، يقولك دي فرصة نعلي الأسعار، مفيش دولار، لأ بالعكس ده وقت وفرصة منعليش الأسعار على الناس​