اللي قلناه بنَّفذه.. السيسي يرد على المطالبين بتخفيض المشروعات القومية من أجل الدولار

كتب- محمد عمارة وأحمد السعداوي:

قال الرئيس عبد الفتاح السيسي، خلال افتتاحه، اليوم الإثنين، مصنعَي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة: أنا باسمع كلام مهم، أرجو تخفَّضوا من المشروعات القومية عشان تخففوا العبء على الدولار.

وأضاف السيسي: بالمناسبة يعني، الدكتور مصطفى كان بيكلمني أول امبارح عن خطة خروج الموارد من الموانئ، احنا قُلنا كلام وبنّفذه إن شاء الله.

وذكر الرئيس السيسي أن البنوك المصرية هتغطي هذه الاعتمادات خلال 4 أيام؛ عشان تطلع المنتجات دي.

وعلَّق الدكتور مصطفى مدبولي، رئيس الوزراء، قائلًا: من 1 ديسمبر إلى 23 ديسمبر، أفرجنا عن بضائع بـ5 مليارات دولار.

وخاطب الرئيس السيسي الحضور قائلًا: من فضلكم انتبهوا للكلام اللي بيقوله الدكتور مصطفى؛ عشان أحيانًا قلة البيانات بتعمل شائعات.

واستطرد رئيس الوزراء: احنا اشتغلنا مع البنك المركزي؛ عشان نفرج عن أكبر قدر ممكن، الأهم احنا متبقي لغاية امبارح 9.5 مليار دولار في الموانئ؛ لكن اللي لهم أهمية دلوقتي، بالاتفاق مع اتحاد الغرف والصناعات في حدود 4 مليارات دولار ونص، عشان رمضان وعشان مفيش خطوط إنتاج تقف.

وتابع مدبولي: كان فيه اجتماع مهم امبارح، وأسبوعيًّا هنعلن احنا بنخرَّج قَد إيه، ده الأهم عشان نتغلب على هذا التحدي، ونرجع عجلة الاقتصاد تاني، شغالين خطة أسبوع بأسبوع عشان ندي رسالة طمأنة.

وأضاف السيسي: يا ريت نكون موجودين في إطلاق أول قافلة؛ عشان بس نطمِّن الناس لما قُلنا ده، ربنا وفَّقنا، الناس مسكت في الدولار شوية، لكن لا بأس.