لجنة برئاسة قاضي.. السيسي يكشف فكرة جديدة بشأن "كشف الزواج"

كتب - محمد عمارة:
كشف الرئيس عبدالفتاح السيسي، عن اهتمام الدولة بإجراءات الكشف الطبي للزواج، والتي تستهدف التأكد من سلامة الزوج والزوجة.

وقال الرئيس السيسي، خلال كلمته في افتتاح مشروعات جديدة في مجمع الصناعات الكيماوية، اليوم الاثنين: "إحنا في إجراءات الكشف الطبي المعمولة فيها سلامة عقل، يعني سلامة شاب قدام سلامة فتاة، والعقد مبني على الشفافية، طول ما العلم متقدر يديني فرصة أحقق ده، لو معملتش كده يبقى أنا قصرت، ده منظور طبي مش عشان الإعاقة أو الإنجاب، النقاش اللي تم عميق جدا".

وأضاف: "قلت لوزير الصحة، هخلي اللي يوافق لجنة برئاسة قاضي، وتروح لها نتائج مميكنة وتقرير بسلامة التحاليل، طب حد يقولي انت بتعقدها، لا، لا والله، أنا بطمن الناس، هو الجواز ده حاجة بسيطة، ده أغلظ ميثاق، فيه قاضي ومعاه مستشار بيشوف الفحوصات ويدي الإذن للمأذون يوثق ويعمل العقد، الاتنين هيبقوا شافوا الموقف وقبلوا هذه النتائج، حد يقول مش خايف الناس تلجأ لأسلوب آخر، أنا أمام الله بشرح وبتكلم وبنحاول نعمل مسار يأكد السلامة".