السيسي: عشت عمري كله في مصر وكنت بسأل ليه إحنا كده؟

كتب- محمد نصار:

قال الرئيس عبدالفتاح السيسي، إنه لابد من تبسيط الموضوعات التي يتحدث فيها المسؤولين فيما يتعلق بأوضاع الدولة للمواطنين من أجل فهمها بشكل صحيح.

وأضاف السيسي، خلال كلمته في افتتاح فعالية المشروع القومي لتنمية الأسرة المصرية،اليوم الاثنين: مش بنستهدف فقط أكلم الفئة اللي هي مفكرة أو مثقفة.. لأ أنا بتكلم دايما إننا محتاجين رسالتنا توصل لكل الناس، وعاوز أربط بين الكلام اللي بيتقال وبين الواقع اللي بنعيشه.

وتابع الرئيس السيسي: أنا مواطن زي كل المواطنين وعشت في مصر عمري كله، وكنت بقول ليه إحنا كده، والمستشفى بتاعتنا ليه بالمستوى ده، وكنت بفكر وأفهم.

وتساءل الرئيس: هوا الهدف مشروع قومي لتنمية الأسرة ولا مشروع قومي لتنمية الدولة المصرية؟.. أنا عاوز حالة رضا بين الأسرة لتنعكس على حالة رضا للدولة.

ويحضر الرئيس عبدالفتاح السيسي، صباح اليوم الاثنين، فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.