السيسي: الناس بتحط ولادها في مدارس وخلاص وفاكرة إنها بتعلمهم

كتب- محمد نصار:

قال الرئيس عبدالفتاح السيسي إنه تحدث مع الدكتور عمرو طلعت، وزير الاتصالات وتكنولوجيا المعلومات، بشأن تطبيق مستوى النظم المتقدم في مصر.

وأضاف السيسي، خلال احتفالية المشروع القومي لتنمية الأسرة المصرية، اليوم الاثنين: كنا بنتكلم من كام شهر عشان عايزين نعمل مستوى متقدم من النظم، قولتله والكلام ده من أيام الدكتور ياسر القاضي، قولتله عايزين نعمل فرص عمل على أعلى النظم.

وتابع الرئيس: فوجئنا إن إحنا- هذا الكلام لا يخفض معنوياتنا- لكن والله هذا لا يزيدني إلا إصرارا شديدا، قسما بالله، سوق العمل اللي بتكلم عليه ده، فيه نقص مليون وظيفة في العالم على مستوى دولة واحدة، قلت عندي شباب كتير، والبرنامج يتكلم 30 ألف دولار للدارس.

وتحدث الدكتور مصطفى مدبولي، رئيس الوزراء، قائلا: الشاب يبقى قاعد في بيته وبيشتغل وبيقبض 20 و30 ألف دولار في الشهر، وكان توجيهات الرئيس إننا نصرف على الشباب ويقدر الشباب يتخرج، والرئيس وجه بعمل إعلان علشان الشباب يتقدم لهذه الوظائف آلاف خريجين هندسة الحاسبات، وعملنا لهم الامتحانات على المستوى العالمي.

وقاطعه الرئيس السيسي: لما أعمل اختبار لـ 200 و300 ألف خريج ألاقي المعايير تنطبق على كام؟ كام؟ 50%، مش أنت كده بتظلم شبابنا، يعني الـ 300 ألف منهم 150، عشان تعليمي تعبان، يا مصريين اصحوا، القضية دي كبيرة جدا، قضية إننا نبني مواطن حقيقي، يقدر يحس ويكون مواطن حقيقي، أنا كنت مستعد لو فيه 100 ألف قلت أنا هدفع الـ 30 ألف دولار لـ 100 ألف، البرنامج كان سنة ونص، وقلت نديهم السنة ونص في سنة، بقول كده للمواطنين اللي قاعدين في بيوتهم يقولوا ولادنا مش بيشتغلوا ليه؟، أشغله ليه، أنت بتحطه في مدرسة وخلاص، وفاكر إنك بتعلمه.