الغلاء والصحة والتعليم.. 20 رسالة من الرئيس السيسي بشأن الزيادة السكانية

كتب- محمد سامي:

وجه الرئيس عبدالفتاح السيسي، اليوم الاثنين، خلال فعالية إطلاق المشروع القومي لتنمية الأسرة المصرية، مجموعة من الرسائل للمواطنين والحكومة.

ويرصد مصراوي أبرز رسائل الرئيس السيسي خلال كلمته بالفعالية على النحو التالي:

1- زدنا 14 مليون نسمة في آخر 7 سنين ومفيش أرقام دخل تكافئ النمو.

2- معندناش حاجة نخبيها.. وعندنا قضية مش معروفة غير لينا أو لبعض مننا

3- قسما بالله.. عندى إصرار وقتال وعمل من أجلك يا مصر

4- الحاجة غالية وبتغلى وعارفين كده.. الغلاء علينا كلنا

5- أنا زيكم ومعاكم ومنكم.. ولو مش قادر والله همشي

6- مرتباتنا منخفضة وعايز أدي المواطن 30 ألف جنيه في الشهر بس هنعملها إزاي

7- 300 ألف شاب تقدموا للحصول على تدريب بقيمة 30 ألف دولار نجح منهم 111 فقط

8- محتاجين نضاعف المستشفيات

9- دي بلدنا اللي في رقبتنا يا كل المسؤولين.. انزلوا وشوفوا

10- طارق شوقي خد على دماغه لحد ما مات لما جينا نطور التعليم

11- فيلم الإرهاب والكباب جاب المواطن بيشتكي وخلى البلد خصم وليس السلبية

12- الناس بتتخانق علشان عيالها تغش وعاوزين يشغلوهم

13- الناس بتحط ولادها في مدارس وفاكرة إنها بتعلمهم

14- حد قال لبنته لما جت تتجوز، انتظري سنة ولا سنتين متخلفيش عشان تاخدي نفسك وتتعودي على الحياة الجديدة

15- قلت لبنتي كده، قولتلها استني سنتين تلاتة على الأقل قبل ما تخلفي

16- لازم يبقى فيه كشف طبي حقيقي للمتزوجين

17- أرجكوم نشتغل في العمل والتنمية في جميع المجالات بلا نوم ولا راحة

18- نقول للمواطن خلي بالك العدد ده الزراعة متكفيهوش ولا المدرسة ولا الطريق وملوش شغل، طيب جايبه ليه علشان يتعذب ولا علشان يعيش ويتبسط

19- أتصور إن كلنا محتاجين نحط إيدينا في إيد بعض علشان نحقق التقدم والغنى والمعرفة

20- لو عايزين استقرار حقيقي لازم يبقى في رضا للمجتمع وكلنا محتاجين نتحرك في ده علشان نوصله للناس​