"الشرطة جابته في ساعات".. سالي عبدالسلام تعلن القبض على الشخص المتحرش بها

كتب- يوسف عفيفي:

قالت الإعلامية سالي عبدالسلام، إنها بعد يومين من واقعة التحرش التي تعرضت لها ونشر الفيديو، تواجدت في محكمة القاهرة الجديدة، دون محامي أو أي شخص معها.

جاء ذلك بعد أن وثّقت فيديو تحت عنوان "امسك متحرش"، ما وصفته بمحاولة تحرش تعرضت لها أثناء تواجدها برفقة صديقة لها داخل سيارتها أثناء تواجدها بمحطة وقود، ونشرت التفاصيل الكاملة لبيانات سيارة المتحرش، مؤكدة أن المنشور بمثابة بلاغ للجهات المسئولة في مصر وتوعدت بعدم ترك حقها.

وقالت سالي في منشور عبر صفحتها الرسمية على "فيسبوك"، الأربعاء:"في ساعات من المحضر في قسم التجمع الخامس الشرطة المصرية الله يحميهم جابوه!! والصبح كنت في النيابة وكلي ثقة في قضائنا اللي فوق الكل".

وأضافت: تحت عنوان:"امسك متحرش".. هي دي بلدي هما دول ناسها اللي ساعدوني وبناتها اللي معرفهمش بعتولي قالولي هو مين!!!؟.. انتوا رزق️ ده رزقى يارب! اللهم بارك.. أنا بقالي يومين مش عارفة أنام.. أقسم بالله وقتها كنت راجعة من عند الدكتور ١١ بليل ما أكلت زعلانة الحمدلله رضا وتعبانة ولسه بتعالج الحمدلله ووقفت مع صاحبتي أجيب أكل و مستنية القهوة".

وأضافت:ربي يعلم والله اديته مهلة ٢٤ ساعة لما خلى صحابه يكلموني عن طريق صحاب مشتركين للأسف عشان اشيل الفيديو ويحاولوا يساوموني وحاجة آخر قلة أدب، وبعدها يهددونى ومتعرفيش ده مين وفلوس وعلاقات وانا ربنا يعلم مسكت نفسى بالعافية وقتها ومطلبتش غير اعتذار ليا ولكل بنت أذاها من غير أساميهم وساعدتنى لوجه الله (وهو رفض).

وأكملت:"لو حد فاكر إني عشان مذيعة ده حصل، أصلها مشهورة "فأنا خسرانة كتير ربنا يعلم وعزيزة على أي بنت أو ست تقول حصل معاها كدة".

وقالت سالي:"شغلانتنا كأي شغلانة لو عملت حاجة متنفعش تتعمل ممكن تقعد في بيتكم، وفي مننا في البيت واحنا بالذات مفيهاش رجوع أو تصلحها "الهوا ملوش دوا"، ومش هنعرف وصعب نشتغل تاني، بس شغلى كان حلمى و اختيار منى وعارفة عواقبه للأسف وراضية يارب اللهم استرنا، أنا أول ناس بعتتلي يطمنوا عليا كانوا مديريني أقسم بالله فخورة اني أنتمي للمتحدة! انتوا على راسي ورزقي".

وتابعت:"الخير دايرة رجعالك رجعالك..هتحصد اللي زرعته، وانت يا متحرش ماذا بينك و بين الله عشان كل البنات دي تساعدني أجيبك؟، انتوا ساعدتوني الله يسعدكم..الله يعوضكم.. وأساميكم مش هتطلع و ده وعد بيننا ليوم الدين.. أذيت كل البنات دى ليه؟؟! منهم اللي سابت شغلها في الشركة اللي بتشتغل فيها معاك بسببك.. ومنهم اللى صورتها وأذيتها وطلعت عليهم كلام

وتابعت:"زى ما كنت ناوي تصورني أنا وصورتك فى الفيديو من غير حتى ما أقل واجب ارد اعتباري بعد ما شتمتنى بأمي بعد المعاكسة وقلة القيمة، ليه؟! سمعتك المحلة الكبرى كلها عارفاها ووحشة، البنات بيترجوني أجيب حقهم.. ومش هنسيب حقنا! وهنمشى بأمان غصب عنك.. حتى العربية مش عارفة اقعد فيها في أمان في مكان عام.. حرام عليك.. هتترد".

وكانت الإعلامية سالي عبدالسلام، وثّقت تحت عنوان "امسك متحرش"، عبر مقطع فيديو ما وصفته بمحاولة تحرش تعرضت لها أثناء تواجدها برفقة صديقة لها داخل سيارتها أثناء تواجدها بمحطة وقود، ونشرت سالي التفاصيل الكاملة لبيانات سيارة المتحرش، مؤكدة أن المنشور بمثابة بلاغ للجهات المسئولة في مصر وتوعدت بعدم ترك حقها. اضغط هنا