"أونلاين من البيت".. كيف تبلغ عن لصوص الكهرباء في 4 خطوات؟

(مصراوي):

نشرت الشركة القابضة للكهرباء، عبر حسابها الرسمي في موقع التواصل الاجتماعي، "فيسبوك" منشورًا توعويًا حول أهمية مكافحة سرقة التيار الكهربائي، وطالبت المواطنين بضرورة الإبلاغ عمن يسرقون التيار الكهربائي في مختلف المحافظات.

وقالت الشركة: "بسرقتك للكهرباء لنفسك أو لغيرك بتعرض نفسك لكذا خطر، لو محصلكش صعق كهربائي فممكن يحصل لجيرانك بسبب الوصلات غير الصحيحة ومستقبلك هيكون في خطر بسبب الحبس أو الغرامة الكبيرة اللي هتدفعه، ده غير إنك هترد ضعف قيمة الاستهلاك من الكهرباء اللي سرقتها، وممكن تتسبب في تذبذب وضعف التيار الكهربائي بسبب التحميل الزيادة على الموزعات اللي مش مخطط ليها الزيادة الكبيرة في الأحمال دي عند التعاقد مع شركة توزيع الكهرباء".

وأضافت الشركة: "سرقة الكهرباء ستكون سبب في تلف الأجهزة الكهربائية عند جيرانك وانقطاع الكهرباء خصوصًا في فصل الصيف واللي ممكن يأذي كبار السن والأطفال بسبب الحرارة العالية".

وأكملت الشركة: "فلوس الكهرباء المسروقة إذا تم تحصيلها بشكل رسمي ستساعدنا في تطوير شبكة الكهرباء ونوصل لكل المحافظات ونضمن لك استمرار التيار، سرقة الكهرباء والسكوت عن اللي سارقها ظُلم لنفسك ولغيرك، وزي اللي بيسرق مبيفكرش غير في مصلحته وممكن يؤذيك أنت وأولادك، فكر في مصلحتك وسلامتك وسلامة أسرتك، وفي كل سرية بياناتك مش أساسية لو هتساعدنا نحمى أسرتك ونفضل منورين بيتك".

وحول طريقة الإبلاغ عن المخالفين، قالت الشركة: "اضغط على اللينك ده ومن غير انشاء حساب أو تسجيل بيانات، عَرفنا مين سارق كهرباء في أربع خطوات وزي ما سرقة الكهرباء كلها سلبيات، الإبلاغ عنها كلها إيجابيات، وبعد توثيق الإجراءات على مستوى كل المحافظات هنضمنلك إننا نفضل منورين وعلى بيتك محافظين".

للإبلاغ اضغط هنا