مجدي الجلاد عن أزمة ياسمين عبدالعزيز وشقيقها: "البيوت بقت في الشارع ليه؟"

كتب- أحمد عبدالمنعم:

علق الكاتب الصحفي مجدي الجلاد، رئيس تحرير مجموعة "أونا" للصحافة والإعلام التي تضم مواقع (مصراوي، يلاكورة، الكونسلتو، شيفت)، على أزمة ياسمين عبدالعزيز وشقيقها قائلا:"نعاني حاليًا من ظاهرة خطيرة جدًا، وهي "العري الاجتماعي والأخلاقي"، مضيفا:"احنا بنشيل الستر بنفسنا".

وقال الجلاد في برنامجه "لازم نفهم" عبر صفحته الشخصية بـ "فيسبوك":"التسريبات كترت أوي ودي حاجة غريبة جدًا، متابعًا:"أنا مستغرب جدًا احنا بقينا بنتخانق على شبكات التواصل الاجتماعي، وطول عمرنا البيوت ليها حرمة".

وأضاف: "غطاء الستر والخجل والحياء إحنا اللي بنشيله عن نفسنا"، موضحًا :"خلاف بين الفنانة ياسمين عبدالعزيز وأخوها ليه الخناقة دي تتصفى على صفحات مواقع التواصل الاجتماعي وليه إحنا نشوفها والأولاد يشوفوها ليه متتحلش في إطار العائلة والبيت؟".

وتابع:"ليه بنطلّع المشكلة تبقى نموذج قدام المجتمع كله، وتبقى انعكاس وتجسيد للمجتمع المصري أمام الدنيا كلها؟، ليه التسريبات كل الدول العربية تسمع الشتائم وألفاظ خارجة، ليه البيوت بقت في الشارع، ليه الغرف المغلقة اتفتحت ،ربنا أنعم علينا بالستر لية بنعمل في نفسنا كدة؟".

​