السيسي يرد على شكاوى طريق الساحل الشمالي.. ويوجه رسالة حاسمة

كتب- يوسف عفيفي:

أكد الرئيس عبدالفتاح السيسي، أن أعمال طريق الساحل الشمالي لم تنتهٍ بعد بالكامل، موضحا أنه يتابع بنفسه آراء وملاحظات المواطنين بشأن الطريق.

وقال الرئيس السيسي، خلال تفقده أعمال الطرق الجارية بالقاهرة: أنا بسمع ومتابع أي شكوى خصوصا ملاحظات المواطنين بشأن الطريق الساحلي، وعاوز أقول إن الطريق ده المفروض يخلص 30 يوليو أو منتصف شهر أغسطس، وده أمر يجب الانتباه ليه كويس لما تنتهي أعمال الطريق بكل الشغل الفني اللي عليه ويتعمل ليه الإرشاد اللازم ويتحط عليه عناصر الشرطة لضبطه.

وتابع الرئيس السيسي: هل يعقل طريق حارتين أو تلاتة يقارن بطريق عرضه 6 أو 7 حارات، ويكون فيه مشكلة!.

وأضاف: "انتظروا لما الموضوع يخلص ويتشرحلكم، وأنا مستغرب ان القائمين على الطريق مش قادرين يوصلوا للناس ان الطريق ما خلصش، والإرشاد والتخطيط لم ينتهٍ بعد، وبالتالي هيكون الحكم على الطريق مش مضبوط، وبالمناسبة إحنا هنعمل الطريق على قواعد المرور مش على أسلوب الناس في الحركة، ولازم نتفق على كده".

ودعا السيسي إلى ضرورة الانتباه والحذر من المشككين في العمل والإساءة لكل الجهد والتكلفة الجارية فيه، متابعا: لأ يا جماعة الناس بتحاول تحطلكم تراب على شغلكم، ومش الهيئة الهندسية ولا وزارة النقل وكأني مش عارفين نعمل، والداخلية هتبقى موجودة والتخطيط هيتعمل طبقا لمعايير الجودة العالمية، وإحنا لازم كمواطنين نستخدم الطريق طبقا للقواعد دي.