السيسي للمصريين: اللي عايز يتصدى لمشاكل الدولة لازم يكون باني سياق فكري حقيقي

كتب- أحمد السعداوي:

قال الرئيس عبد الفتاح السيسي، بشأن المشروعات القومية التي تنفذها الدولة: حد قال لي وقفوا المشروعات القومية وأكلونا بقى.

وأضاف الرئيس السيسي، خلال افتتاحه مشروعات مصر الرقمية، اليوم الأربعاء: ولما جِه الدكتور علي المصيلحي، وزير التموين والتجارة الداخلية، وقال فيه ناس عاملة دراسات، الناس هاجمته وقالت "انت مين عشان عايز تغير مزاج المصريين؟".. أنا مش بدافع عن الدكتور علي... اللي عايز يتصدى لمشاكل الدولة لازم يكون باني سياق فكري حقيقي، عشان متاخدش جزء وتسيب التاني، عشان انت بتقول أكنه حقائق، وكأن الناس هنا مقصرة.

وتابع رئيس الجمهورية: باتكلم على التعليم؛ عشان نقدر نعمل حاجة، ما انتوا بتعملوا جمعيات عشان تعلموا ولادكم!

واستطرد الرئيس: أنا باشكر ربنا شكر حقيقي، بعزة وعرفان.. اوعوا تفتكروا إني بزايد أو بادّعي على الله، ربنا يعلم اللي في قلبي.. أنا الوحيد، إوعى الدكتور مصطفى يزعل، اللي شايف إيه بيتعمل وبيتعمل إزاي.. البلد دي حاماها ربنا، وهيحميها ربنا.

جاء ذلك في كلمة السيسي خلال افتتاحه، صباح اليوم، عددًا من مشروعات "مصر الرقمية" لوزارة الاتصالات وتكنولوجيا المعلومات، تتضمن إطلاق منصة مصر الرقمية، وكذلك افتتاح عدد من المشروعات عبر الفيديو كونفرانس، مثل محطات إنزال الكابلات البحرية في كل من رأس غارب، والزعفرانة، وسيدي كرير، فضلاً عن افتتاح مركز البيانات الدولي بالقاهرة، ومدارس المصرية للاتصالات للتكنولوجيا التطبيقية، ومراكز إبداع مصر الرقمية، وتطوير متحف البريد المصري.