لو قدروا كانوا ذبحونا.. السيسي: "مش عايزين ننسى ثمن مواجهة الإرهاب"

كتب- أحمد السعداوي:

أشاد الرئيس عبد الفتاح السيسي ببطولات الشرطة المصرية، من أجل رفعة الوطن وتقدمه واستمراره، مكرمًا أبطالها على تضحياتهم لحماية البلد من الأشرار.

وقال الرئيس السيسي، خلال حضوره احتفال عيد الشرطة بعيدها الـ71 بأكاديمية الشرطة اليوم الإثنين، تعقيبًا على تكريم وترقية المقدم طارق عبد الوهاب، إلى رتبة عقيد، الذي فقدَ ذراعَيه في إحدى العمليات الإرهابية: يا طارق، الترقية مش هتعوض كتير؛ لكنه شكل من أشكال العرفان والتقدير لكل عمل منك ومن الشرطة والجيش..

وأضاف الرئيس السيسي: عايز أقول لك ولكل الموجودين معانا إن عملياتهم ضد الإرهاب، وباكلِّم كل الناس في مصر.. أرجو إن الكلمة ما تألمكش، مَن يعوّض على طارق ده؟ يا ناس يا اللي بتسمعونا: فيه رجال زي طارق كتير، منهم اللي قدم روحه وقدم حتة من جسمه، عشان خاطر مصر تبقى في أمان وسلام، مقابل إن الدولة تتقدم وتستمر، هو ده اللي طارق بيعمله، عشان يحموا البلد دي من الأشرار.

وتابع الرئيس السيسي: مش عايزين ننسى الثمن؛ لأ، الحالة اللي احنا عشنا فيها سنين، ولو قدروا علينا كانوا ذبحونا، وأنا قُلت هنا: بفضل الله استطعنا القضاء على الموجة دي بنسبة تقرب من الـ100%، بولاد مصر والأُسر البسيطة.. وماكنش هيفوتني أقول لطارق باسمي وباسم المصريين: بنشكرك.

واستطرد الرئيس السيسي: الترقية الحقيقية هي إن البلد دي تفضل تتقدم للأمام، ويفضل شعبها مستعد وفاكر التضحية، التذكرة عشان ماحدش يضيع ده، الجهد ده والدم ده، خلال 10 سنين في المواجهة، ولا قالت البلد هنقف ومانكملش، ناس تبني وناس تواجه.. مرة تانية باشكرك، وربنا يديك الصحة والعافية ويحميك ويحمي اللي زيك.